BUU-nyń balalar quqyqtary jónindegi Komıteti Qazaqstanǵa 60 usynys jasady - Ádilet vıtse-mınıstri

ASTANA. QazAqparat - BUU-nyń bala quqyqtary jónindegi komıteti Qazaqstannyń bala quqyǵyn qorǵaý salasyndaǵy sharalary durys baǵytta ekenin aıtady, deıdi OKQ brıfıngisine qatysqan elimizdiń Ádilet vıtse-mınıstri Elvıra Ázimova.

«Ózderińiz biletindeı, Qazaqstan 1994 jyldan beri balalar quqyqtary jónindegi konventsııaǵa qosylǵan. BUU-nyń balalar quqyqtary jónindegi Komıteti tórt jyl saıyn osy salada baıandama jasaıdy, biraq, konventsııaǵa múshe elder jeti-segiz jylda bir ret esep berýine bolady. Qazaqstan 2003 jyly osy saladaǵy sharalary týraly esep berip, komıtet aldynda baıandamasyn qorǵaǵan. Keıin 2007 jyly jáne osy jyldyń qyrkúıeginde baıandamasyn taǵy da qorǵap shyqty. Kelesi baıandamasyn Qazaqstan 2021 jyly qorǵamaq», - deıdi E.Ázimova. Qýantarlyǵy. Qazaqstannyń qyrkúıek aıyndaǵy esebine Komıtet músheleri oń baǵa bergen jáne Qazaqstan bul baǵytta dur ys jumys atqaryp jatqanyn atap ótken. «Qazaqstan balalar quqyǵy jónindegi konventsııany qalaı iske asyryp otyr degenge kelsek, Komıtet músheleri elimizdiń bul baǵytta durys jumys jasap otyrǵanyn aıtty. ıAǵnı, balalar quqyǵyn qorǵaý salasynda Qazaqstan zańnama túrinde de, josparly jumys isteý baǵytynda da óz pozıtsııasyn jaqsartyp keledi. Degenmen, Komıtet balalar quqyǵyn qorǵaý jóninde birqatar usynystaryn da aıtty», - deıdi E.Ázimova. Ádilet vıtse-mınıstriniń aıtýynsha, BUU-nyń balalar quqyqtary jónindegi komıtetiniń qujaty 67 pýnktten tursa, Qazaqstanǵa 60 usynys aıtylǵan eken.