BUU-nyń Azyq-túlik baǵdarlamasynyń basshysy Qyrǵyzstan basshylyǵyna qoldaý jáne kómek kórsetýge ýáde berdi
BІShKEK. Qyrkúıektiń 23-i. QazAqparat /Arnur Rahymbekov/ - Nıý-Iorkte BUU Bas Assambleıasynyń 65-shi sessııasynyń májilisine qatysyp jatqan Qyrǵyzstan Prezıdenti Roza Otynbaeva, sapar barysynda BUU-nyń Azyq-túlik jáne aýyl sharýashylyǵy baǵdarlamasynyń bas dırektor Jak Dıýfpen kezdesti.
BUU baǵdarlamasynyń basshysy Roza Otynbaevamen kezdeskenine qýanyshty ekenin aıta kele, ashqursaq halyqtyń sanyn azaıtý jáne adamdardy taza aýyzsýmen qamtamasyz etý jónindegi mańyzdy kúsh-jigerleri úshin Qyrǵyzstan basshylyǵyna alǵysyn bildirdi.
Jak Dıýf, Qyrǵyzstannyń azyq-túlik qaýipsizdigin qamtamasyz etýge zor mańyz berip otyrǵanyn jáne sáıkes ındıkatorlar boıynsha joǵary kórsetkishter kórsetip otyrǵanyn atap kórsetti. BUU baǵdarlamasynyń basshysy sondaı-aq, álemdegi daǵdarysqa qaramastan, azyq-túlik qaýipsizdigi máselelerin sheshýdegi jetistikteri úshin qyrǵyz tarabyna rızashylyǵyn jetkizdi.
Roza Otynbaeva óz sózinde, Qyrǵyzstan aýyl sharýashylyǵymen aınalysatyn el ekenin jáne jedel ýrbanızatsııalanýǵa qaramastan, el halqynyń 60 paıyzy aýyldyq jerde turatynyn, aýyl sharýashylyǵy el ekonomıkasy úshin basymdyqty mánge ıe ekenin atap kórsetti. «Aýyl sharýashylyǵyndaǵy oń ózgerister, biz qalaǵandaı, jetkilikti jedel júrip jatqan joq. Osyǵan baılanysty bizdiń elimiz BUU-nyń azyq-túlik jáne aýyl sharýshylyǵy baǵdarlamasymen yntymaqtastyqqa múddeli, onyń ishinde elimizde óndiriletin ónimderdi ótkizýdiń halyqaralyq naryqtaryna shyǵý máselesi de biz úshin mańyzdy», dedi Qyrǵyz Prezıdenti óz sózinde.
Dıalog barysynda taraptar, Qyrǵyzstan men BUU yntymaqtastyǵy keńeıýge jáne damýǵa muqtaj ekenin atap ótti. Jak Dıýf, Qyrǵyz Respýblıkasynyń BUU baǵdarlamasy tarapynan árqashan qoldaý men kómek kúte alatynyn aıtty.
Kezdesýdiń qorytyndysy boıynsha Qyrǵyzstan fermerlerine tuqymdyqtar qoryn jaqsartý, tyńaıtqyshtarmen qamtamasyz etý jáne aýyl sharýashylyǵy ónimderin ósirý men óńdeýdiń aldyńdy qatarly ádisterine úıretý máseleleri boıynsha Qyrǵyzstannyń Aýyl sharýashylyǵy men BUU-nyń Azyq-túlik jáne aýyl sharýashylyǵy baǵdarlamasy arasyndaǵy ózara is-qımyldyń deńgeıin kóterý jónindegi naqty qadamdar boıynsha kelisimderge qol jetkzildi.
