BUU-nyń Azaptaýǵa qarsy konventsııasynyń baptaryn júzege asyrý aıasynda semınar-keńes ótedi - Astana
ASTANA. Aqpannyń 4-i. QazAqparat /Ǵalymjan Hasenov/ - «Qazaqstannyń Adam quqyqtary jónindegi halyqaralyq bıýrosy» qoǵamdyq birlestiginiń fılıaly Ádilet mınıstrliginiń Qylmystyq-atqarý júıesi komıtetimen birlesip búgin Astanada semınar-keńes ótkizedi,
dep habarlaıdy komıtettiń baspasóz qyzmetinen.
Sharanyń negizgi maqsaty Qazaqstan bekitken jáne zorlyq-zombylyqtan qorǵaýdy qamtamasyz etetin halyqaralyq kelisimsharttardyń negizgi baptarynyń quqyqtyq tájirıbedegi qoldanysyna negizdeledi. Bul semınardyń eń aldymen, quqyq qorǵaý organdarynyń qyzmetkerleri úshin, ásirese Qazaqstan bekitken adam quqyqtary salasyndaǵy halyqaralyq qujattardyń baptaryn júzege asyrý aıasynda paıdasy zor. Sonymen birge, Elbasynyń Qazaqstan halqyna Joldaýynda aıtylǵan quqyq qorǵaý júıesiniń vedomstvoishilik múddelerin azamattardyń quqyqtary men memlekettiń múddelerin qorǵaýǵa aýdarý mindetterine negizdelgen.
Frıdrıh Ebert atyndaǵy qordyń Qazaqstandaǵy ókildiginiń qoldaýymen ótkeli otyrǵan bul sharaǵa Ulttyq qaýipsizdik komıtetiniń, Іshki ister mınıstrliginiń, Ádilet mınıstrliginiń Qylmystyq-atqarý júıesi komıtetiniń ókilderi jáne Qazaqstan Respýblıkasyndaǵy Adam quqyqtary jónindegi ýákil qatysady.
