BUU-nyń Arnaıy baıandamashysy Qazaqstanda bas bostandyǵynan aıyrylǵandardy qamaýda ustaý jaǵdaıyna oń baǵa berdi

ASTANA. Qazannyń 1-i. QazAqparat /Rýslan Ǵabbasov/ - Qazaqstanda bas bostandyǵynan aıyrylǵandardy qamaýda ustaý jaǵdaıyna oń baǵa berildi. Bul týraly búgin Astanada ótken «2009 jylǵy mamyrdyń 5-13-i aralyǵynda Qazaqstandaǵy mıssııasynyń nátıjesi boıynsha azaptaý máselesi turǵysynda BUU Arnaıy baıandamashysynyń usynysyn jáne BUU-nyń azaptaýǵa qarsy komıtetiniń usynystaryn oryndaý» atty dóńgelek ústeldiń jumysyn qoryndylaý kezinde BUU-nyń arnaıy baıandamashysy Manfred Novak aıtty.

«Atap aıtqanda bul saladaǵy kóptegen usynystar júzege asyrylyp tıisti sharalar atqaryldy. ıAǵnı sońǵy jyldary aıtarlyqtaı jetistikterge qol jetkizildi desek qatelespeımiz»,-dep atap ótti ol. Osy oraıda M. Novak bas bostandyǵynan aırylǵandardy tıisti qajettiliktermen qamtamasyz etýdegi jaǵdaı, sondaı-aq bul saladaǵy basqa ahýaldar aıtarlyqtaı jaqsarǵanyn jetkizdi. «Іstelgen jumystar kóp, biraq ta bul baǵytta ilgerileý sharalaryn jalǵastyrý múmkindikteri áli de bar»,-dedi Arnaıy baıandamashy.

«Azaptaýlar boıynsha Arnaıy baıandamashy mandaty osy aǵymdaǵy aıdyń aıaǵynda toqtaıdy. Men óz mandatym boıynsha jumystyń sońǵy aıyn atqaryp jatyrmyn. Alaıda, budan keıingi ýaqytta da Qazaqstanǵa kelip óz tájirıbıemmen bólisip, kómegimdi tıgizýge ázirmin»,-dedi ol sóz sońynda.

M. Novak 2004 jyly jeltoqsanda BUU-nyń adam quqyqtary jónindegi komıssııasymen Arnaıy baıandamashy bolyp bekitildi. Arnaıy baıandamashy qandaı da bir úkimetten táýelsiz jáne ol óz qyzmetin óziniń mandatyna sáıkes atqarady.