BUU-nyń Ulttar lıgasy taǵdyryn qaıtalaý qaýpi bar — Máýlen Áshimbaev

ASTANA. KAZINFORM — Birikken Ulttar Uıymynyń Ulttar lıgasy taǵdyryn qaıtalaý qaýpi bar. Mundaı pikirdi Senat tóraǵasy Máýlen Áshimbaev «Vremıa» gazetinde jarııalanǵan maqalasynda bildirdi. 

— Álem indetten jańaryp shyqty — bizdiń kóz aldymyzda jańa dáýir paradıgmasy qalyptasyp keledi. Onyń aıqyndaýshy trendteri qandaı bolatynyn bolashaq kórsetedi. Biraq jańa zamanǵa tán keıbir belgiler qazirdiń ózinde aıqyn, — dedi ol.

Senat tóraǵasynyń atap ótýinshe, olardyń biri — jahandaný daǵdarysy jáne onyń jańa prıntsıpterge qaıta formattalýy. Bul álemdik ıntegratsııa qarqynynyń baıaýlaýy, ultshyldyqtyń kúsheıýi, protektsıonızmniń artýy, erkin saýda prıntsıpterinen alshaqtaý men saýda soǵystary aıasyndaǵy geosaıası shıelenisten kórinedi.

— Bul protsestiń bir bóligi múshe memleketter tarapynan senim deńgeıiniń tómendeýi men jahandyq máselelerdi sheshe almaýynan kórinetin jetekshi halyqaralyq ınstıtýttardyń daǵdarysy boldy. Bir kezderdegi bedeldi BUU qazirgi jaǵdaıynda Ulttar lıgasynyń taǵdyryn qaıtalaý qaýpi bar. Dúnıejúzilik densaýlyq saqtaý uıymy pandemııa synaqtaryna tótep bere almady jáne Donald Tramp bılikke kelgennen keıin AQSh uıymnan shyǵatynyn jarııalady. Dúnıejúzilik saýda uıymy geosaıası qaqtyǵystar jaǵdaıynda elder arasyndaǵy daýlardy sheshýdiń tóreshisi retinde tıimsizdigin kórsetip otyr, — dep atap ótedi Máýlen Áshimbaev.

Osyǵan deıin Parlament Senatynyń tóraǵasy Máýlen Áshimbaev Qazaqstan Prezıdenti Qasym-Jomart Toqaevtyń otandyq bıznes ókilderimen kezdesýinde aıtqan ustanymdaryna qatysty pikir bildirdi.