BUU-nyń Sırııa boıynsha arnaıy elshisi otstavkaǵa ketedi
ASTANA. KAZINFORM — BUU-nyń Sırııa jónindegi arnaıy elshisi Geır Pedersen qyzmetinen ketý týraly sheshim qabyldady, dep jazady Sınhýa.
BUU Bas hatshysynyń Sırııa boıynsha arnaıy elshisi Geır Pedersen jeke sebepterge baılanysty óz qyzmetinen ketetinin beısenbi kúni habarlady.
— Men BUU Bas hatshysyna Sırııa boıynsha arnaıy elshi retinde alty jarym jyldan astam ýaqyt qyzmet etkennen keıin óz erkimmen otstavkaǵa ketetinimdi habarladym, jáne ol meniń ótinishimdi qabyldady. Uzaq ýaqyttan beri jeke sebepterge baılanysty ketýdi josparlap júr edim, — dedi Geır Pedersen BUU Qaýipsizdik Keńesine.
69 jastaǵy elshi jaqyn arada qyzmetinen ketetinin, biraq qyzmetindegi sońǵy kúnge deıin mindetterin atqarýdy jalǵastyratynyn aıtty. Onyń naqty ketý kúni jarııalanǵan joq.
Buǵan deıin habarlanǵandaı, Syrtqy ister mınıstrliginiń resmı ókili Aıbek Smadııarov Sırııa boıynsha Astana protsesine BUU-nyń osy másele jónindegi arnaıy ókili Geır Pedersenniń keletinin málim etti.