BUU-nyń Ortalyq Azııa jáne Aýǵanstan jónindegi óńirlik ortalyǵy týraly zań ratıfıkatsııalandy
ASTANA. KAZINFORM – Aqorda BUU-nyń Ortalyq Azııa jáne Aýǵanstan jónindegi óńirlik ortalyǵy týraly zańnyń maquldanǵanyn habarlady.
- Memleket basshysy «Qazaqstan Respýblıkasynyń Úkimeti men Birikken Ulttar Uıymy arasyndaǵy Birikken Ulttar Uıymynyń Ortalyq Azııa men Aýǵanstan úshin ornyqty damý salasyndaǵy maqsattar jónindegi óńirlik ortalyǵyna qatysty ózara túsinistik týraly memorandýmdy ratıfıkatsııalaý týraly» Qazaqstan Respýblıkasynyń Zańyna qol qoıdy, - delingen resmı qujatta.
Zańnyń mátini baspasózde jarııalanady.
Aıta keteıik, buǵan deıin Ákimshilik quqyq buzýshylyq kodeksine pedagog mártebesi boıynsha ózgerister engizilgeni málim boldy.
