BUU-nyń Lıvııadaǵy mıssııasynyń jumysy taǵy bir jylǵa uzartyldy
ASTANA. KAZINFORM — BUU Qaýipsizdik Keńesi Lıvııaǵa qoldaý kórsetý jónindegi BUU mıssııasynyń (MOONPL) mandatyn 2027 jylǵy 31 qazanǵa deıin uzartty, dep habarlaıdy Kazinform Anadolu agenttigine silteme jasap.
Lıvııaǵa qoldaý kórsetý jónindegi BUU mıssııasynyń mandatyn uzartý týraly Ulybrıtanııa ázirlegen qarar jobasy Qaýipsizdik Keńesiniń daýys berýine usynyldy.
Qujatty Qaýipsizdik Keńesiniń 13 múshesi qoldady. Reseı men Grekııa qalys qaldy.
Daýys berý qorytyndysy boıynsha mıssııanyń mandaty 2027 jylǵy 31 qazanǵa deıin uzartyldy.
Lıvııaǵa qoldaý kórsetý jónindegi BUU mıssııasyn Qaýipsizdik Keńesi Lıvııa bıliginiń ótinishi boıynsha 2011 jylǵy 16 qyrkúıekte qurǵan. Onyń negizgi maqsaty — sol jyly elde bolǵan qarýly qaqtyǵystan keıingi saıası ótpeli kezeńge qoldaý kórsetý.
MOONPL — BUU-nyń arnaıy saıası mıssııasy. Onyń qyzmeti Lıvııadaǵy áskerı kúshter men ekonomıkalyq ınstıtýttar arasyndaǵy alaýyzdyqty eńserýge, sondaı-aq qaqtyǵysýshy taraptar arasynda araǵaıyndyq jasaýǵa baǵyttalǵan.
Buǵan deıin Qazaqstannyń BUU janyndaǵy Turaqty ókili Qaırat Omarov Qaýipsizdik Keńesiniń ashyq debatynda Taıaý Shyǵystaǵy shıelenistiń saqtalýyna alańdaýshylyq bildirgen edi. Ol qaqtyǵystardy saıası-dıplomatııalyq jolmen rettep, jaǵdaıdyń odan ári ýshyǵýyna jol bermeý qajettigin atap ótti.
Eske salaıyq, Birikken Arab Ámirlikteri BUU Bas hatshysy laýazymyna óz úmitkerin usyndy.
