BUU-nyń Lıvandaǵy UNIFIL bazasynda Qazaqstannyń Memlekettik týy kóterildi
ASTANA.KAZINFORM - BUU-nyń Lıvandaǵy Ýaqytsha kúshteriniń (UNIFIL) bazasynda Qazaqstan Respýblıkasynyń Memlekettik týyn kóterý rásimi saltanatty túrde ótti.
Іs-sharaǵa úndi batalonynyń komandıri polkovnık Prasýn Sıngh, batalonnyń áskerı qyzmetshileri, sondaı-aq qazaqstandyq bitimgerler kontıngentiniń komandıri aǵa leıtenant Talǵat Ismaıylov pen ulttyq quramnyń barlyq músheleri qatysty.
Saltanatty rásim barysynda polkovnık Prasýn Sıngh baza aýmaǵynda Qazaqstan Respýblıkasynyń Memlekettik týyn resmı túrde kóterdi. Qazaqstan, Úndistan jáne Birikken Ulttar Uıymynyń ánurandary oryndalǵannan keıin úndi batalonynyń komandıri qazaqstandyq bitimgerlerdi quttyqtap, aldaǵy qyzmetterine sáttilik tiledi. Sonymen qatar ol ulttyq kontıngent komandırine UNIFIL mıssııasynyń estelik belgisin tabystady.
Memlekettik týdy kóterý rásimi – UNIFIL mıssııasynyń dástúrleriniń biri. Bul rásim ulttyq kontıngenttiń baza aýmaǵynda resmı túrde qyzmetin bastaǵanyn bildiredi jáne olardyń halyqaralyq mindetterdi oryndaýǵa daıyn ekeniniń belgisi sanalady.
Qorǵanys mınıstrligi málimetinshe, Qazaqstannan 11 bitimger Lıvanǵa BUU-nyń Ýaqytsha kúshteri (UNIFIL) quramynda qyzmet atqarý úshin bardy. Olar alty aı boıy bitimgerlik mindetterin oryndaıdy.
Qazaqstandyq bitimgerler Lıvandaǵy BUU mıssııasynda qyzmet atqarýǵa attanǵanyn jazǵan edik.
