BUU-nyń burynǵy arnaıy elshisi, aktrısa Andjelına Djolı Gazaǵa bardy
ASTANA. KAZINFORM — Amerıkalyq aktrısa, BUU-nyń bosqyndar máseleleri jónindegi burynǵy arnaıy elshisi Andjelına Djolı Gazaǵa bardy. Ol Ál-Arısh aýrýhanasyn jáne Rafah shekara beketiniń egıpettik bóligin aralap, Qyzyl Jarty Aı uıymynyń ókilderi men Gaza sektoryna gýmanıtarlyq kómek tasıtyn júk kólikteriniń júrgizýshilerimen kezdesti. Bul týraly Agenzia Nova jazdy.
BUU-nyń bosqyndar máseleleri jónindegi eks-elshisin Gazadaǵy sapary kezinde Soltústik Sınaı gýbernatory Haled Megaver alyp júrdi. Jalpy, gýbernator palestınalyq jaraqat alǵan azamattardyń Egıpettegi jaǵdaıyn kózimen kórip, shekaradaǵy gýmanıtarlyq kómekti taratý jumysyn tekserý úshin kelgen. Oǵan erip kelgen áıgili aktrısa da palestınalyqtardyń jaǵdaıymen qanyqty.
Ál-Ahram gazetiniń habarlaýynsha, aktrısa shekara beketindegi gýmanıtarlyq uıym eriktilerimen kezdeskenine aıryqsha rızashylyǵyn bildirgen. Egıpet Qyzyl Jarty Aı uıymynyń eriktisi Djolıǵa shamamen 2 mıllıon palestınalyqqa shuǵyl gýmanıtarlyq kómek jetkizý úshin «myńdaǵan júk kólikteri kútip turǵanyn» aıtty.
Djolı sondaı-aq palestınalyqtarǵa kómek kórsetýge arnalǵan qoımalardy aralap, gýmanıtarlyq kómekti jiberý men taratý baǵytynda Egıpettiń atqaryp otyrǵan jumysyna qanyqty.
Sonymen qatar aktrısa soǵystan aýyr jaraqat alǵandardy kórip shyǵý úshin Ál-Arısh aýrýhanasyna da bardy.
Aıta keteıik, buǵan deıin Andjelına Djolıdiń Gazany qoldaıtyn málimdemesi týraly jazdyq.
Al onyń aldynda, ıaǵnı 2021 jyly áıgili aktrısa Aýǵanstandaǵy ahýal jaıynda baıandaý úshin Instagram-da paraqsha ashqan edi.