BUU-ny jańǵyrtýdy kózdeıtin batyl áreket Qaýipsizdik keńesin reformalaýdan bastalýy tıis — Toqaev
NЬıÝ-IORK. KAZINFORM — Birikken Ulttar Uıymyn jańǵyrtýdy kózdeıtin batyl áreket Qaýipsizdik keńesin reformalaýdan bastalýy tıis. Bul týraly BUU Bas Assambleıasy 80-sessııasynyń Jalpy debatynda Memleket basshysy Qasym-Jomart Toqaev aıtty.
— Osy oraıda Birikkken Ulttar Uıymyn jan-jaqty reformalaý tolassyz talqylanatyn taqyryp emes, naǵyz strategııalyq qajettilik ekenine nazar aýdarǵym keledi. Bizge BUU-ny reformalaý jóninde naqty usynys ázirleıtin joǵary kásibı jáne ony esh oılanbastan alǵa jyljytatyn pikirlester tobyn qurý qajet. Uıym búgingi syn-qaterlerge jáne erteńgi mindetterge saı bolýy kerek. Birikken Ulttar Uıymyn jańǵyrtýdy kózdeıtin mundaı batyl áreket Qaýipsizdik keńesin reformalaýdan bastalýy tıis. Qaýipsizdik keńesiniń quramyna Azııa, Afrıka jáne Latyn Amerıkasyndaǵy iri elderdiń ókilderi rotatsııa tártibimen usynylýy kerek. Sonymen qatar Qazaqstan jaýapkershiligi bar orta derjavalardyń úni BUU Qaýipsizdik Keńesinde barynsha anyq estilýi qajet dep sanaıdy, — dedi Prezıdent.
Memleket basshysynyń aıtýynsha, is júzinde orta derjavalar qazirdiń ózinde teńgerimdi saqtaýǵa jáne ózara senimdi nyǵaıtýǵa úles qosyp, halyqaralyq qatynasta jaǵymdy ról atqara bastady.
— Uly derjavalardyń bastary birikpegende nemese barsha adamzatty alańdatatyn ózekti problemalardy sheshýge qaýqarsyzdyq tanytqanda, mundaı elder BUU aıasynda dánekerge aınalady. XXI ǵasyrda BUU bedelin kóterý úshin Uıymǵa múshe memleketter beıbitshilik pen qaýipsizdiktiń irgesin bekemdeıtin naqty qadamdar jasaýǵa tıis. Áıtpese, BUU únemi máseleniń saldarymen kúresýden kóz ashpaıdy. Al problemanyń túpki sebepteri ústi-ústine kóbeıe beredi. Biz bul úderisti dál búginnen bastaı alamyz. Ol úshin Birikken Ulttar Uıymynyń Jarǵysyna beıil ekenimizdi taǵy da rastaýymyz qajet. Egemendik, aýmaqtyq tutastyq jáne kez kelgen daýdy beıbit jolmen sheshý qaǵıdattarynyń bári múltiksiz saqtalýǵa tıis. Uıym Jarǵysyn qolaıyna qaraı qoldaný onyń bedeline nuqsan keltiredi, — dedi Qasym-Jomart Toqaev.
Aıta keteıik, 21 qyrkúıekte Prezıdent Qasym-Jomart Toqaevtyń Nıý-Iorkke jumys sapary bastaldy.
Budan buryn Nıý-Iork qalasynda Qasym-Jomart Toqaev Monako Knıazi ІІ Albermen kezdesý ótkizdi.