BUU «Nelson Mandelanyń halyqaralyq kúnin» belgiledi
ASTANA. Qarashanyń 12-si. QazAqparat - BUU Bas Assambleıasy «Nelson Mandelanyń halyqaralyq kúnin» belgiledi. Ataýly kún budan bylaı jyl saıyn onyń týǵan kúni - shildeniń 18-inde atap ótiletin bolady. Bas Assambleıa biraýyzdan osyndaı sheshim qabyldady,
dep habarlaıdy «Eho Moskvy» radıostansasy.
Ońtústikafrıkalyq kóshbasshynyń beıbitshilik pen bostandyq isine qosqan aıtýly úlesin halyqaralyq qoǵamdastyq osylaısha atap ótti.
Qazir 91 jastaǵy N.Mandela aparteıd tusynda adam quqyǵy úshin jan aıamaı kúresken eń tanymal belsendilerdiń biri bolyp sanalady. Belsendiligi úshin N.Mandela 27 jylyn Keıptaýn túrmesinde ótkizgen. Qamaýdan bosaǵannan keıin ol Ońtústik Afrıka Respýblıkasynyń tuńǵysh qara násildi prezıdenti boldy jáne eldi 1994-1999 jyldar aralyǵynda basqardy. Bılik basynan 1999 jyly ketken N.Mandela áli kúnge deıin kedeı-kepshikterdiń, onyń ishinde naýqas balalardyń quqyqtary úshin kúres júrgizýde. Ońtústikafrıkalyq kóshbasshy 1993 jyly Nobeldik álem syılyǵyn alǵan bolatyn.
