BUU naýryzdyń 21-in Halyqaralyq Naýryz kúni dep jarııalady
ALMATY. Aqpannyń 24-i. QazAqparat /Ernar Beken/ - Aqpannyń 23-inde Ázirbaıjan memleketi, Aýǵanstan, Iran, Qazaqstan, Qyrǵyzstan, Tájikstan, Túrkııa, Albanııa, Makedonııa jáne Úndistannyń qoldaý kórsetýimen Birikken Ulttar Uıymynyń Bas assambleıasynda «Halyqaralyq Naýryz kúni» rezolıýtsııasynyń jobasy tanystyryldy,
dep habarlaıdy QazAqparat Ázirbaıjannyń BUU-daǵy Turaqty ókildigi taratqan aqparatqa silteme jasap.
Osynyń nátıjesinde Birikken Ulttar Uıymynyń Bas assambleıasy «Halyqaralyq Naýryz kúni» qararyn biraýyzdan qabyldady. Osy qujatqa sáıkes 21 naýryz - Halyqaralyq Naýryz kúni bolyp qabyldandy jáne osy ejelgi meıram týraly aqparattardy keńinen taratý úshin BUU-ǵa múshe elderge atsalysýǵa úndeý tastaldy.
Elimizde Naýryz meıramy úsh kún: 21-23 naýryz aralyǵynda atalyp ótiledi.
Jalpy, Naýryz parsy, kavkaz jáne túrik halyqtarynyń arasynda kóktem meıramy jáne jańa jyldyń bastalýy retinde toılanady. «Naýryz» sózi parsy tilinen aýdarǵanda «Jańa kún» degen maǵyna beredi. Ol Iranda 21 naýryzda, Ortalyq Azııa elderinde jáne Ázirbaıjanda, memlekettik mereke retinde Tájikstanda jáne Qazaqstanda - 22 naýryzda, Ózbekstan men Túrkııada 21 naýryz kúni atalyp ótiledi.
