BUU mıssııasynyń qolbasshysy Golan jotalaryndaǵy qazaqstandyq bitimgerlermen kezdesti
ASTANA. KAZINFORM – Birikken Ulttar Uıymynyń bólingen aımaqty baqylaý jónindegi kúshteriniń (UNDOF) qolbasshysy general-maıor Anıta Asma jeke quramnyń kezekti rotatsııasynan keıin Golan jotalarynda qyzmet atqaryp jatqan qazaqstandyq bitimgerlik kontıngent ornalasqan aýdanǵa bardy.
Sapar barysynda ol qazaqstandyq áskerı qyzmetshilerdiń qyzmetti uıymdastyrý tártibimen tanysyp, ınfraqurylym nysandaryn, ınjenerlik tehnıkany, jedel basqarý quraldaryn qarap shyqty. Sondaı-aq mıssııanyń jaýapkershilik aımaǵyndaǵy BUU-nyń baqylaý beketterinde boldy.
General-maıor Anıta Asma ulttyq bitimgerlik kontıngenttiń jeke quramymen kezdesip, áskerı qyzmetshilermen áńgimelesti.
Qorǵanys mınıstrligi málimetinshe, kezdesý barysynda qaýipsizdikti qamtamasyz etý, qyzmetti uıymdastyrý, sondaı-aq atysty toqtatý rejımin saqtaý men bóliný aımaǵyn baqylaý jónindegi mindetterdi odan ári oryndaý máseleleri talqylandy.
BUU qazaqstandyq bitimgerler qyzmetiniń deńgeıin joǵary baǵalaǵanyn jazǵan edik.
