BUU mıssııasyna baratyn bitimgerler qatań talaptarmen tańdalady
QR Qorǵanys mınıstrligi Bitimgerlik operatsııalar ortalyǵynyń bazasynda BUU bitimgerlik mıssııalaryna jiberý úshin áskerı baqylaýshylar men shtab ofıtserleri laýazymdaryna taǵaıyndalatyn kandıdattardyń kezekti jıyndary ótýde, dep habarlaıdy Kazinform.
Oǵan Qazaqstan Qarýly kúshteriniń ártúrli bólimshelerinen 17 áskerı qyzmetshi qatysýda. Onyń ekeýi - áıel áskerı qyzmetshi.
"BUU bitimgerlik mıssııalaryna qatysý úshin ofıtserler qatań talaptar boıynsha tańdalady. Іrikteý barysynda áskerı daǵdylar ǵana emes, sonymen qatar moraldyq-psıhologııalyq turaqtylyq, dene daıyndyǵy men shet tilderin bilýine basa nazar aýdarylady.
Bir apta ishinde úmitkerler medıtsınalyq komıssııadan, psıhologııalyq testileýden ótedi. Dene shynyqtyrý normatıvterin tapsyryp, mehanıkalyq qoraby bar kólikti júrgizý daǵdylary men aǵylshyn tilin meńgerý deńgeıin kórsetedi", - dep túsindirdi Qorǵanys mınıstrliginen.
Jıyn aıaqtalǵannan keıin irikteýden ótken kandıdattar odan ári BUU bitimgerlik mıssııalaryna jiberiletin ofıtserler rezervine alynady.
Áskerı baqylaýshylar men shtab ofıtserlerin irikteý – beıbitshilikti, turaqtylyq pen qaýipsizdikti saqtaýǵa baǵyttalǵan bitimgerlik qyzmet protsesiniń mańyzdy kezeńi bolyp tabylady.
