BUU meteorologtary: aldaǵy bes jyl rekordtyq deńgeıde jyly bolady

NUR-SULTAN. QazAqparat – Aldaǵy bes jyl baqylaýlar tarıhynda rekordtyq deńgeıde jyly jyl bolady dep boljanýda.

BUU-nyń mamandandyrylǵan mekemesi bolyp tabylatyn Dúnıejúzilik meteorologııalyq uıymnyń (DMU) málimetinshe, «90 paıyzdyq yqtımaldyqpen» onyń ortasha temperatýrasy 2016 jyldyń kórsetkishinen asyp túsedi, bul qazirgi eń ystyq jyl, dep habarlaıdy QazAqparat.

Zertteý avtorlary qazirgi bes jyldyq kezeńniń ár jylyndaǵy qurlyq pen teńiz betindegi ortasha temperatýra ındýstrııaǵa deıingi dáýirdiń temperatýralyq mánderinen kem degende bir gradýs Tselsııge joǵary bolady dep sanaıdy, al eń ystyq jyly ol 1,5 gradýstan asady. Sonymen qatar, sarapshylar joǵary endik aýdandarda aýa raıy ylǵaldy, Atlantıkadaǵy tsıklondardyń belsendiligi artady dep boljap otyr.

«Bul jaı statıstıka emes. Temperatýranyń joǵarylaýy muzdyń erýin, teńiz deńgeıiniń joǵarylaýyn, ystyqtyń artýyn jáne basqa da aýa raıynyń qubylystaryn bildiredi», - dep túsindirdi DMU Bas hatshysy Petterı Taalas.