BUU «Metıý» daýylynan zardap shekken kýbalyqtarǵa kómek kórsetpek
ASTANA. QazAqparat - BUU Búkilálemdik azyq-túlik baǵdarlamasy arqyly Kýbanyń sońǵy aptada «Metıý» daýylynan zardap shekken 180 myń turǵynyna kómek kórsetiletin boldy.
Bul týraly QazAqparat TASS agenttigine silteme jasaı otyryp habarlaıdy.
Halyqaralyq uıym tabıǵattyń dúleı kúshi eń kóp qıyndyq keltergen 4 provıntsııanyń turǵyndaryna azyq-túlik alý úshin 4 mln dollar bóledi. Turǵyndarǵa kómeý kórsetý máselesi Kýba bıligimen kelisilgen. Endi aral turǵyndaryna ózderi eń kóp tutynatyn kúrish pen fasol mol kólemde jetkiziledi.
Azyq-túlik tabıǵı apattardan saqtaný maqsatynda Kýba qoımalaryna aldyn ala jetkizilgen. Búkilálemdik azyq-túlik baǵdarlamasy arqyly sonymen qatar shyǵys aımaqtaǵy Olgın provıntsııasynyń az qamtylǵan toptaryna da qoldaý kórsetiledi. Olardyń arasynda júkti áıelder men balalar, qarttar bar.
Qazirgi tańda araldaǵy memlekettiń bıligi daýyldan kelgen shyǵynyń mólsherin esepteýde.
