BUU men Ekvador álem elderinen 73 mln. dollar surady

ASTANA. QazAqparat - BUU men Ekvador úkimeti kúshti jer silkinisi kezinde zardap shekkenderge kómekke 72,7 mıllıon dollar surap, álemdik qoǵamdastyqqa júgindi, delingen uıymnyń resmı saıtyndaǵy málimdemede.

Qarajat eldiń 350 myń turǵynyna kómekke jumsalady, dep atap ótilgen málimdemede, dep jazdy RIA Novostı.

«Halyq taǵamǵa, sýǵa, qarapaıym medıtsınalyq kómekke zárý. Balalarǵa bilimin jalǵastyrýǵa ǵımarat kerek. Otbasylarǵa qalypty ómirin jalǵastyrý úshin qoldaý qajet. Gýmanıtarlyq qoǵamdastyq úkimetti qoldaýǵa, bazalyq qajettilikti qamtamasyz etýge ázir», - dep málimdedi BUU bas hatshysynyń gýmanıtarlyq máseleler jónindegi orynbasary Stıven O'Braıan.

Stıven O'Braıan eldiń ortalyq jáne óńirlik bılikteriniń áreketteri kóptegen adamdardyń ómirin saqtap qalǵanyn atap ótti.

Ekvadorda 16 sáýirde 7,8 baldyq jer asty dúmpýleri oryn aldy. Kindigi Mýısne eldi mekeniniń ońtústik-shyǵysyna qaraı 28 shaqyrymda boldy. Tereńdigi 20,2 shaqyrym tereńdikte ornalasty. Apat saldarynan kóp qabatty qonaqúıler, meıramhanalar, turǵyn úıler qırady. Qaza tapqandar sany 400-den asty.