BUU Memlekettik qyzmet salasyndaǵy Astana habyn álem elderine úlgi etti
«Astana habyna 36 memlekettiń ókilderi múshe. Al búgingi konferentsııaǵa 40-tan astam eldiń ókili qatysýda. Hab 4 jyldyń ishinde memlekettik qyzmet salasyndaǵy yntymaqtastyqta úlken jetistikterge jetip otyr. Birinshi kezekte habtyń arqasynda Astanada aımaq elderiniń memlekettik qyzmet salasyndaǵy arnaıy organdarynyń ókilderi birigip jumys jasap, bir-birimen baılanys ornatty. Mundaı jaıt hab qurylǵanǵa deıin bolmaǵan edi», - dedi ol «Sapaly memlekettik qyzmet maqsatyndaǵy áriptestik» atty halyqaralyq konferentsııa barysynda.
Onyń aıtýynsha, hab aımaq elderine tán ortaq máselelerge ǵylymı zertteýler ótkizip, odan ary jahandyq memlekettik qyzmet damýyndaǵy trendtermen aımaqtyq trendterdi salystyryp, álemde teńdesi joq úlken eńbek shyǵarǵan. Sonymen birge aımaq elderinde de jaqsy tájirıbe jınaqtalǵandyǵyn eskere kele osy elderdegi jetistikterdi nasıhattaıtyn, olardy álemge jetkizetin keı materıaldar ázirlengen.
«Biz birinshi ret Ekonomıkalyq yntymaqtastyq jáne damý uıymynyń ádistemesin paıdalana otyryp, Qazaqstan, Ázerbaıjan, Grýzııa arasynda memleket kórsetetin qyzmet salasyndaǵy alıans qurdyq. Sol alıansqa qazir suranys týyp, Sıngapýrdan bizge osyny álemniń basqa da óńirlerine taratsaq degen usynys tústi. Biz mamyr aıynda soǵan oraı úlken shara ótkizbekpiz. Áriptestikti damytýda, biliktilikti jetildirýde jáne ortaq ǵylymı zertteýlerde hab óte joǵary kórsetkishterge qol jetkizgendikten BUU komıtetiniń arnaıy otyrysynda habty álemdegi basqa aımaqtarǵa úlgi retinde taratý týraly sheshim qabyldady», - dedi Báımenov.
