BUU Marııa Sharapovamen aradaǵy seriktestikti ýaqytsha toqtatty
ASTANA. QazAqparat - Birikken Ulttar Uıymy belgili tennısshi Marııa Sharapovamen aradaǵy seriktestikti tergeý ýaqyty kezinde doǵarý týraly sheshim qabyldaǵanyn málimdedi, dep jazdy eurosport.ru.
«Biz Marııa Sharapovaǵa osyǵan deıin birlesip atqarǵan jumystary úshin alǵysymyzdy aıtamyz. Ol ásirese, Chernobyl atom elektr stansasyndaǵy apattan zardap shekkenderge kóp kómegin tıgizdi. Alaıda, keleńsizdikterge baılanysty tergeý ýaqyty kezinde Marııa Sharapovamen aradaǵy erikti elshi retindegi seriktestigimizdi doǵarý týraly sheshim qabyldadyq», - dep málimdedi BUU ókili.
Eske sala keteıik, ótken aptada Marııa Sharapovanyń dopıngke qarsy tekserý kezinde tyıym salynǵan meldonıı dárisin qoldanǵany anyqtaldy. Osyǵan baılanysty 12 naýryzdan bastap barlyq jarystardan shettetilgen bolatyn.
