BUU málimetteri boıynsha, sel tasqyny saldarynan Pákistanda 4 mıllıondaı adam baspanasyz qaldy
ASTANA. Tamyzdyń 20-sy. QazAqparat - El tarıhynda buryn-sońdy bolmaǵan sel tasqynynyń saldarynan 4 mıllıonnan astam pákiastandyq baspanasyz qalyp otyr. Bul týraly beısenbi kúni brıtandyq VVS radıostansasy BUU derekterine silteme jasap habarlady.
Osylaısha, BUU-nyń buǵan deıingi esepteýlerimen salystyrǵanda, Pákistanda sel tasqyny saldarynan úısiz qalǵandardyń sany eki esege artyp otyr.
«Qalyptasyp otyrǵan jaǵdaı Pákistanǵa halyqaralyq kómek kórsetý jónindegi «mańyzdyraq kúsh-jigerdi» talap etedi, deıdi BUU ókilderi. Tabıǵı apattar eldegi áleýmettik jaǵdaıdy odan beter ýshyqtyryp otyr, deıdi brıtandyq BAQ ókilderi.
