BUU málimeti boıynsha Qazaqstan shapshań qartaıyp bara jatqan elder qataryna jatady
ASTANA. 11 maýsym. QazAqparat - BUU málimetteri boıynsha Qazaqstan shapshań qartaıyp bara jatqan elder qataryna jatady. Bul týraly Májilistiń Áleýmettik-mádenı damý komıtetiniń keńeıtilgen otyrysynda depýtat Nadejda Petýhova málim etti. Eske salsaq, Darıǵa Nazarbaevanyń jetekshiligimen ótken komıtet otyrysynda Qazaqstandaǵy pallıatıvtik kómek kórsetý máseleleri talqylandy.
«2050 jylǵa qaraı Qazaqstan halqynyń tórtten birin egde jastaǵy adamdar quraıdy. Soǵan qaraı qarttar arasynda kezdesetin aýrý túrleri de arta túsedi degen sóz. Onyń ishinde qaterli isik patologııasy órshýi ábden múmkin», - dedi depýtat Nadejda Petýhova.
Onyń aıtýynsha, respýblıka boıynsha málimetter naýqastardyń arasynda dál osy qaterli isikten kóz jumatyndardyń sany artyp otyrǵanyn kórsetedi. «Sondyqtan da, osy sanattaǵy naýqastardyń basym bóligi kásibı medıka-psıhologııalyq kómekterge zárý. Endeshe olardyń ómir sapasyn arttyrý jan-jaqty damytýdy, emdeý úderisiniń jańa tásilderin qoldanýdy talap etedi», - dedi depýtat.
