BUU: Lıvııadaǵy qaqtyǵystyń qurbandary 15 myń adamǵa deıin jetti
ASTANA. 11 maýsym. QazAqparat - Lıvııadaǵy qarýly qaqtyǵystyń qurbandary 10 myńnan 15 myń adamǵa deıin jetti. Qaıtys bolǵandardyń arasynda Mýammar Kaddafıdi taqtan qulatýǵa tyrysyp jatqan oppozıtsııa ókilderi de, qazirgi bıliktiń jaqtastary da bar.
Mundaı derekterdi Trıpolıde Birikken Ulttar Uıymy (BUU) mıssııasynyń ókilderi keltirdi, dep habarlaıdy Reuters.
2011 jyldyń aqpanynda Lıvııada M.Kaddafıdiń jaqtastary men kóterilisshiler arasynda azamattyq soǵys bastalǵanyn eske salamyz.
2011 jyldyń 17 naýryzynda BUU Qaýipsizdik Keńesi Lıvııa polkovnıgine eldiń aýmaǵynan ushyp ótýge tyıym salatyn qarar qabyldady. Keıin lıvııalyq qaqtyǵysqa Kaddafı kúshteriniń baqylaýyndaǵy áskerı jáne óndiristik nysandarǵa áýe soqqysyn jasaı bastaǵan halyqaralyq koalıtsııa aralasty. Biraz ýaqyttan keıin qolbasshylyq jasaý NATO-ǵa ótti.
