BUU Lıvandaǵy bitimgerler sanyn qysqartýdy bastady
ASTANA. KAZINFORM — BUU óziniń Lıvandaǵy bitimgerlik kúshteriniń tórtten birin qysqartýǵa kiristi. Bul týraly «Izvestııa» basylymyna BUU Lıvandaǵy ýaqytsha kúshteriniń baspasóz hatshysy Kendıs Arbıl málim etti, dep habarlaıdy reseılik TASS.
-BUU júıesindegi bıýdjettiń qysqarýy nátıjesinde halyqaralyq uıym Lıvandaǵy ýaqytsha kúshteri sanynyń tórtten birin qysqartýdy bastady. Biz bul úderisti bastadyq, ol 2026 jyldyń basynda aıaqtalýy tıis, — dedi Arbıl.
2025 jyldyń 20 qarashasyndaǵy málimet boıynsha, ásker sany 9,9 myń adam bolǵan. Al oǵan deıingi ásker sany 10,5 myń bolǵan, dep habarlady basylym BUU málimetterine silteme jasap.
Baspasóz hatshysy ótken jyldar ishinde bitimgerler ózderiniń operatsııa júrgizetin aýmaǵynda «Hezbolla» men ózge de memlekettik emes qarýly qurylymdar tarapynan qandaı da bolsyn belsendilikti baıqamaǵanyn jetkizdi.
Arbıldiń sózinshe, sanktsııalanbaǵan áskerı ınfraqurylymdy qalpyna keltirý nemese zańsyz qarý kirgizý áreketteri tirkelgen joq.
BUU Qaýipsizdik Keńesi tamyz aıynyń sońynda BUU-nyń Lıvandaǵy ýaqytsha kúshteriniń mandatyn 2026 jyldyń 31 jeltoqsanyna deıin uzartyp, tap osy ýaqyttan bastap jyl ishinde ásker men qyzmetkerlerdi qaýipsiz jaǵdaıda qysqartyp, tártipke keltirý jumystaryn bastaý jóninde qaýly qabyldady.
Osyǵan deıin BUU Lıvandaǵy bitimgerler sanyn 25 paıyzǵa qysqartatyny týraly jazdyq.