BUU lańkesterdiń «qara tizimin» ekige bólýdi usynýda
ASTANA. 8 maýsym. QazAqparat - "BUU lańkesterdiń «qara tizimin» ekige bólý týraly máseleni kóterip otyr.
Atap aıtqanda «Ál-Kaıeda» men «Talıban» músheleriniń tizimderin eki bólek jasaý týraly usynys jasalýda. Bul qadam, Aýǵanstan úkimetiniń «Talıbanmen» beıbit kelissóz júrgizý talpynysynyń jalǵasy retinde qarastyrylýda", - dep habarlady RBK Associated Press agenttigine silteme jasap.
BUU-nyń resmı ókili Pıter Vıttıgtiń aıtýynsha, BUU-nyń Sanktsııa máseleleri jónindegi keńesi bul usynysty maýsym aıynyń ortasynda qaraıdy. Eger másele ońynan sheshilip jatsa, BUU atalǵan toptarǵa qatysty eki túrli strategııany bekitpek.
Sarapshylardyń aıtýynsha, bul máseleniń kóterilýi, birinshi kezekte olardyń áreket aýmaqtarynyń ár jaqta ekendigimen baılanysty. «Ál-Kaıeda» negizinen batys memleketterde áreket etse, «Talıban» Aýǵanstanda belsendilik tanytýda. Oǵan qosa, buǵan deıin Aýǵanstan úkimeti elge kirýge tyıym salý shottaryn jaýyp tastaý sııaqty sanktsııalar josparlanǵan «Talıbannyń» 50 múshesin «qara tizimnen» alyp tastaý týraly Birikken Ulttar Uıymyna ótinish jasaǵan bolatyn.
