BUU: Kún saıyn 43 myń adam bosqynǵa aınalyp otyr

ASTANA. QazAqparat - Búginde álemdegi bosqyndar men qonys aýdarýshylardyń sany kúnine 43 myńǵa jýyq adamǵa kóbeıip keledi. Mundaı jaǵdaıǵa Sırııa, Irak, Ortalyqafrıkalyq respýblıkada, Nıgerııa, sondaı-aq Ýkraınada bolyp jatqan qaqtyǵystar uryndyrýda, delingen BUU Bas hatshysynyń Dúnıejúzilik bosqyndar kúnine oraı jasaǵan joldaýynda.

«2014 jyldyń sońynda álemde kúshtep qonys aýdarǵan adamdardyń sany 59,5 mıllıondy qurady. Bul búginde árbir 122-shi adamnyń bosqyn, amalsyz qonys aýdarǵan nemese pana izdep júrgen tulǵa ekenin bildiredi», - dep habarlady Bas hatshy Bosqyndar kúninde.

Pan Gı Mýnnyń aıtýynsha, álemde bosqyndar sanynyń kún saıyn kóbeıýi Sırııa, Irak, Ýkraına, Ońtústik Sýdan, Ortalyq Afrıka respýblıkasy, Nıgerııanyń soltústik shyǵysynda, Pákistanda oryn alǵan sońǵy qaqtyǵystar sebep bolyp otyr.

Málimdemede 2014 jyly kún saıyn 42,5 myń adamnyń bosqyn, ishki kóshi-qon nemese pana izdep júrgen tulǵaǵa aınalǵandyǵy jaıly aıtylǵan. «Bul kórsetkish tek sońǵy tórt jyldyń ishinde tórt esege artqan», - delingen Bas hatshynyń joldaýynda.