BUU Kýbaǵa munaı jetkizý týraly kelissózder júrgizip jatyr
ASTANA. KAZINFORM — Birikken Ulttar Uıymy gýmanıtarlyq maqsatta Kýbaǵa munaı jetkizý máselesi boıynsha kelissózder júrgizip jatyr, dep habarlaıdy Report.
Bul týraly onlaın-brıfıngte BUU-nyń Gýmanıtarlyq máselelerdi úılestirý basqarmasynyń ókili Edem Vosorný málimdedi.
— BUU tarapynan el boıynsha gýmanıtarlyq kómekti jetkizý úshin otynnyń jetkizilýin qamtamasyz etý maqsatynda kelissózder men talqylaýlar júrgizilýde, — dedi ol.
Vosornýdyń aıtýynsha, otyn tapshylyǵy gýmanıtarlyq kómekti jetkizýdi shektep otyr, al mundaı kómekke degen qajettilik jyldam artyp keledi.
Kýba prezıdenti Mıgel Lıas-Kanel araldaǵy energetıkalyq daǵdarystyń ýshyǵýyn Vashıngton ákimshiliginiń ekonomıkalyq blokadany kúsheıtýimen baılanystyrdy. Onyń sózinshe, bul saıasat «ony óz úkimetine qarsy qoıýǵa» baǵyttalǵan.
Aıta keteıik, BUU Izraıldiń HAMAS múshelerine ólim jazasyn engizý týraly zańyn synady.
