BUU konferentsııasy: Májilistegi áıel depýtattar genderlik teńdikti talqylady

NUR-SULTAN. QazAqparat – Búgin Májilis depýtattary Merýert Qazbekova, Narıne Mıkaelıan, Álııa Saparova jáne Irına Smırnova Parlament depýttaryna arnalǵan semınarǵa beıne-konferentsııa arqyly qatysty.

«Ortalyq Azııa men Aýǵanstandaǵy beıbitshilik pen turaqtylyq úshin áıelder parlamentshileriniń seriktestigi» taqyrybynda ótken semınardy Ortalyq Azııa úshin preventıvti dıplomatııa boıynsha BUU Aımaqtyq Ortalyǵy uıymdastyrdy.

Jıyn barysynda depýtattar genderlik teńdikti ilgeriletýdiń negizgi qaǵıdalarymen, Ortalyq Azııa men Aýǵanstan parlamentterindegi áıelderdiń ókildikterimen, olardyń áıelder, beıbitshilik pen qaýipsizdik týraly 1325 rezolıýtsııasyn júzege asyrýdaǵy rólimen tanysty. Bul 2000 jyly Birikken Ulttar Uıymynyń Qaýipsizdik keńesi shıelenisterdi boldyrmaý, bitimgershilik jáne qaýipsizdik protsesterindegi áıelderdiń belsendi rólin keńeıtý maqsatynda №1325 – «Áıelder, beıbitshilik jáne qaýipsizdik» rezolıýtsııasy qabyldanǵan.

Sonymen qatar, jıynda depýtat áıelderdiń jumys barysy jáne olardyń memlekettik saıasatqa áseri tolyǵyraq talqylandy. Sondaı-aq, semınarda memlekettik jáne úkimettik emes uıymdarmen, qoǵamdyq birlestiktermen seriktestik baılanys ornatý máseleleri qaraldy.