BUU komıssııasynda qazaqstandyq kásipker áıelderge jasalǵan múmkindikter jaıly baıandaldy
Halyqaralyq forým sheńberinde ótken joǵary deńgeıdegi «Aýyl áıelderimen birlesip ashtyq pen kedeılikti joıý úshin kúshterin aktıvtendirý» jónindegi is-sharalardyń birinde «QazAgro» holdıngi» AQ Basqarma tóraǵasynyń orynbasary Aıgúl Muhamadıeva baıandama jasady.
Statıstıkalyq málimetterine sáıkes, Qazaqstannyń ekonomıkasyndaǵy áıelderdiń jumysynyń kóp bóligi agrarlyq salaǵa tıesili. Ol genderlik kózqaras jaǵynan ekonomıkanyń eń kópshilikke málim salasynyń úshtigine kiredi: ekonomıkadaǵy jumys basty áıelderdiń jalpy sanynyń 17% -y aýyl sharýashylyǵynda jumys isteıdi (saýda - 19%, bilim salasynda - 19%).
Óz baıandamasynda A.Muhamadıeva aýyl sharýashylyǵyndaǵy respýblıka boıynsha ózin jumyspen qamtıtyn áıelderdiń úlesiniń jalpy sanynyń shamamen 51%-yn aýyl sharýashylyǵynda jumys isteıtin áıelder quraıtynyn atap ótti. Osylaısha, eger basqa genderlik-baǵdarly salalarda áıelder negizinde jaldamaly jumysker bolyp tabylsa, agrarlyq sektorda olar ózderi aýylsharýashylyq ónimderin shyǵarady, sonyń ishinde - jeke qosalqy sharýashylyqtarda.
2017-2021 jyldarǵa arnalǵan ónimdi jumyspen qamtýdy jáne jappaı kásipkerlikti damytý baǵdarlamasy aýyldaǵy áıelderdiń kásipkerligin damytý úshin úlken múmkindikter beredi. «QazAgro» holdıngi osy baǵdarlamany aýyldyq jerlerde iske asyrýshy retinde áıelderdiń kásipkerligin damytýǵa jáne aýyldaǵy áıelderdiń ahýalyn jaqsartýǵa úles qosady. Sonymen, 2016 jyly holdıng bergen qaryzdyń jalpy sanynyń 36,6%-y áıelder tıesili (jyl saıyn úles 3-5%-ǵa ósedi).
«Atameken» ulttyq kásipkerler palatasynyń kásipkerlik negizine oqýǵa «Bastaý» baǵdarlamasy boıynsha 2016 jyldyń ózinde 180 adam oqytyldy, onyń 53%-y áıelder.
Eske sala ketsek, Qazaqstan Respýblıkasynyń resmı delegatsııasy áıelderdiń ahýaly jónindegi BUU komıssııasynyń 61-shi sessııasynyń jumysyna qatysty. Ol osy kúnderi BUU Nıý-Iorktegi shtab-páterinde ótýde jáne áıelderdiń eńbek salasyndaǵy ózgeris konteksinde ekonomıkalyq múmkindikterin keńeıtý taqyrybyna arnalǵan. Áıelderdiń dıskrımınatsııasymen kúresý jáne áıelderdiń kásipkerligin damytý jónindegi tájirıbelerimen álemniń 170-nen astam elinen kelgen qatysýshylar bólisedi. «QazAgro» ulttyq holdınginiń ókili QR Ulttyq ekonomıka mınıstri, QR Prezıdenti janyndaǵy áıelder isi jáne otbasy-demografııalyq saıasaty jónindegi komıtettiń múshesi M. Ábilqasova bastaǵan delegatsııanyń quramyna kiredi.
