BUU qoldaýymen turaqty damý baǵytynda júıeli sharalar qabyldandy - vıtse-mınıstr

ALMATY. QazAqparat – QR Úkimeti men BUU 2020 jyly turaqty damý maqsatyndaǵy birlesken baǵdarlamaǵa 1 mln dollar grant bóldi. Bul týraly Ortalyq Azııa elderiniń Turaqty damý salasyndaǵy ekinshi óńirlik sammıtiniń paneldik pikirtalasynda QR Ulttyq ekonomıka vıtse-mınıstri Abzal Ábdikárimov málimdedi, dep habarlaıdy QazAqparat tilshisi.

Spıker atap ótkendeı, 2020 jyly QR Úkimeti men BUU TDM-ny ulttandyrý jáne qarjylandyrý boıynsha birlesken baǵdarlamany iske asyrýǵa 1 mln AQSh dollary kóleminde grant baǵyttaǵan.

«Baǵdarlama úsh máselege nazar aýdarady. Bul TDM qarjylandyrýdy ázirleý, josparlaý júıesin ıntegratsııalaý jáne kelisý, ornyqty damý maqsattaryn bıýdjetteý jáne TDM-ny qarjylandyrýdyń ulttyq júıesin jetildirý», - dep túsindirdi QR Ulttyq ekonomıka vıtse-mınıstri.

Sondaı-aq, vıtse-mınıstr Qazaqstan ekonomıkasyn qalpyna keltirý boıynsha qabyldanǵan sharalar nátıjesinde 2020 jylmen salystyrǵanda 2021 jyly jalpy ishki ónim (JІÓ) jan basyna shaqqanda 6,5% artqanyn aıtty.

«Úkimet postkovıdtik kezeńde ekonomıkany qalpyna keltirý jaǵdaıynda eńbek naryǵyndaǵy jaǵdaıdy turaqtandyrý úshin qoldaý sharalaryn qabyldady. Nátıjesinde 2020-2021 jyldary jumyssyzdyq deńgeıi 4 jáne 9% deńgeıinde saqtaldy. Halyqaralyq standart sharalaryna sáıkes jańa ekologııalyq kodeks qabyldandy. Shaǵyn jáne orta bıznesti qoldaý maqsatynda salalyq shekteýlerdi alyp tastaý, mıkro jáne shaǵyn kásipkerlikti nesıeleý úshin jańa baǵyttardy engizý sharalary qabyldandy. Zardap shekken salalar sýbsıdııalandy», - dedi Abzal Ábdikárimov.

Qazaqstan BUU Damý baǵdarlasymen birlesip TDM retteý boıynsha birneshe qural ázirleý boıynsha jumys júrgizip jatyr. Bıyl halyqtyń tabysyn 2025 jylǵa deıin arttyrý baǵdarlamasy qabyldandy.

Eske salaıyq, Almatyda Eýropalyq odaq pen Azııa Damý bankiniń qarjylyq qoldaýymen uıymdastyrylǵan sammıt ótip jatyr.