BUU QK quramynda Qazaqstannyń mindeti terrorızmge qarsy is-qımylda kúshterdi shoǵyrlandyrý bolady - QR-dyń dintanýshylar kongresi

ASTANA. QazAqparat - «Qazaqstannyń dintanýshylar kongresi» qoǵamdyq bńrlestigi BUU Qaýipsizdik Keńesiniń turaqty emes múshesi bolyp saılanýymen quttyqtady.

«2016 jylǵy 28 maýsymda biz úshin shyn máninde tarıhı oqıǵa oryn aldy  -  Qazaqstan Azııa-Tynyq muhıty aımaǵy elderiniń atynan BUU Qaýipsizdik Keńesiniń turaqty emes múshesi bolyp saılandy.

Bul erekshe oqıǵanyń Táýelsizdiktiń 25 jyldyq mereıtoıyn merekeleýge tuspa-tus kelgeni qýantarlyq jáıt.

BUU qyzmetiniń tarıhynda bizdiń el asa mańyzdy organnyń quramyna engen Ortalyq Azııa óńiriniń alǵashqy memleketi bolyp tabylady.

Búginde Qazaqstan jasampaz bastamalarymen álem tanyǵan, ekonomıkasy serpindi damyǵan, kópultty qoǵamy bar, ózara túsinistik jáne ózara qurmet negizinde judyryqtaı jumylǵan  elge aınaldy.

Sonymen qatar álemniń birqatar elderindegi zamanaýı syn-qaterler men turaqsyzdyq memleket tarapynan negizi ózara yntymaqtastyq, qurmet, toleranttylyq, ózara túsinistik qaǵıdattaryn quraýy tıis qaýipsizdik pen damýdyń jańa júıesin qurýdy talap etedi.

Osy baǵytta barlyq memleketterdiń kúshterin biriktirý, qaqtyǵystardy, kelispeýshilikterdi eńserý, beıbitshilik pen kelisimge jeteleıtin ymyra izdeý negizgi jumys bolýy tıis.

BUU Qaýipsizdik Keńesiniń quramynda Qazaqstannyń birinshi kezektegi mindeti halyqaralyq ekstremızm men terrorızmge qarsy is-qımylda kúshterdi shoǵyrlandyrý bolady, bul jer sharynyń ár óńiri úshin ózekti másele.

Biz búgingi júktelgen mıssııany asa jaýapkershilikpen, abyroımen oryndaıtynymyzǵa senimdimiz», delingen habarlamada.