BUU QK: Qazaqstan ishkisırııalyq qaqtyǵysty beıbit jolmen sheshýdi qýattaıdy
Bul týraly Qazaqstannyń Birikken Ulttar Uıymy janyndaǵy Turaqty ókili Qaırat Omarov BUU Qaýipsizdik Keńesiniń otyrysynda málimdedi, dep habarlaıdy QR Syrtqy ister mınıstrliginiń baspasóz qyzmeti.
BUU Qaýipsizdik Keńesiniń otyrysy reseılik taraptyń bastamasy boıynsha Sırııadaǵy ahýalǵa basa nazar aýdarylýyna baılanysty uıymdastyryldy. Keńes múshelerinen basqa atalǵan otyrysqa Iran men Túrkııanyń BUU janyndaǵy turaqty ókilderi de qatysty.
Sessııa barysynda qazaqstandyq delegatsııa basshysy álemdik qaýymdastyq ishkisırııalyq qaqtyǵysty tek qana beıbit jolmen sheshý, soǵysta qıraǵan eldi qalpyna keltirý jáne kúrdeli gýmanıtarlyq jaǵdaıdy sheshý úshin jaǵdaı jasaý maqsatynda birlesken kúsh-jigerdi jumsaý kerek ekenin atap ótti. «Biz sondaı-aq kóptegen sırııalyq bosqyndardyń qaıtarylýyna jaǵdaı jasaýymyz kerek. Osyǵan oraı sırııalyq bosqyndar boıynsha halyqaralyq konferentsııany uıymdastyrý týraly ıdeıasy problemany sheshýdegi alǵashqy qadam bola alady», - dep atap ótti Q. Omarov.
Sırııadaǵy jaǵdaı týraly aıta otyryp, Qazaqstan Elshisi Astana protsesiniń kepil-elderiniń «DAISh», «An-Nýsra maıdany» jáne «Ál-Kaıda» terrorıstik toptaryna qarsy kúrestegi yntymaqtastyqtyń mańyzdylyǵyn, sondaı-aq atysty toqtatý rejimine qatysatyn qarýly oppozıtsııalyq toptardy terrorısterden aıyrýdyń ózektiligine basa nazar aýdardy. Sonymen qatar, elshi saıası protsess úshin jańa múmkindikter týdyratyn Idlıbdegi atysty toqtatýdy qanaǵattanýshylyqpen atap ótti.
Iran, Reseı jáne Túrkııanyń Sırııadaǵy gýmanıtarlyq jaǵdaıdy jaqsartýǵa jáne azamattyq tulǵalardy qorǵaýǵa, sonyń ishinde Sırııa ekonomıkasyn jáne ınfraqurylymdy qalpyna keltirýge, sondaı-aq mańyzdy áleýmettik problemalardy sheshýge baǵyttalǵan kúsh-jigerine joǵary baǵa berildi.
