BUU QK aıasynda Qazaqstan shıelenisterdi retteýge tikeleı qatysady - Saıasattanýshylar kongresi men Áleýmettanýshylar qaýymdastyǵy

ASTANA. QazAqparat - Biz Qazaqstannyń BUU-nyń mańyzy saıası organy -Qaýipsizdik Keńesiniń 2017-2018 jyldary turaqty emes múshesi bolyp saılanýy týraly jańalyqty erekshe yqylaspen qabyldadyq, dep atap ótti Saıasattanýshylar kongresi men Áleýmettanýshylar qaýymdastyǵynda.

«Qazaqstan ǵylymı qaýymdastyǵy barlyq qazaqstandyqtardy jáne Ult kóshbasshysy - el Prezıdenti N. Nazarbaevty jeke osynaý tarıhı jeńisimen quttyqtaıdy!

Qazaqstan bedeldi uıymnyń tolyqqandy múshesi bolǵan ýaqyttan bastap bizdiń el beıbitshildik jáne gýmanızm qaǵıdarttaryna yqylastylyǵyn turaqty dáleldep keledi.

Búginde barsha álem Qazaqstandy qoǵamdaǵy birlik pen kelisimdi saqtaı otyryp, serpindi damyp kele jatqan el retinde tanıdy. Bul jetistikter bizge senimdi túrde alǵa basýymyzǵa múmkindik beredi.

Qazaqstandyq ótinimniń artqyshylyǵy - Ult kóshbasshysynyń álemdik qaýymdastyqtaǵy bedeli.

Qazaqstannyń BUU Qaýipsizdik Keńesiniń turaqty emes múshesi bolyp saılanýy - halyqaralyq arenadaǵy eleýli jetistik, el bastamalaryn jyljytýǵa, aǵymdaǵy kún tártibiniń ózekti máseleleri boıynsha órkenıetti dıalog júrgizýge biregeı múmkindik.

Biz BUU Qaýipsizdik Keńesiniń aıasynda Qazaqstan beıbitshildik qaǵıdattaryna yqylastylyqty barynsha joǵary deńgeıde kórsetetinine, shıelenisterdi retteýge tikeleı qatysatynyna senimdimiz.