BUU qyzmetkerleriniń hýsıtter qolyna túsýine baılanysty Iemendegi keıbir operatsııalaryn toqtatty
ASTANA. KAZINFORM – Birikken Ulttar Uıymy «tótenshe jáne ýaqytsha shara» óz qyzmetkerleriniń qaýipsizdigin qamtamasyz etý úshin qabyldanǵanyn málim etti.

BUU Iemenniń Saada aımaǵyndaǵy kómek operatsııalaryn toqtatty. Oǵan ótken aıda segiz qyzmetkeriniń hýsıtter qolyna túsýi sebep boldy. 24 qańtarda bolǵan oqıǵadan keıin BUU hýsıtter baqylaıtyn aımaqtarǵa barýyn toqtatty.
Dúısenbi kúni jasalǵan resmı málimdemede BUU Saada provıntsııasyndaǵy barlyq operatsııa men qolǵa alynǵan baǵdarlamalardy toqtatý týraly sheshim qabyldanǵanyn, sebebi qaýipsizdik kepildiginiń joqtyǵyn jarııa etti.
– Bul – tótenshe jáne ýaqytsha shara. Ol BUU qyzmetkerleri men onyń seriktesteriniń qaýipsizdigine kepildik berilý maqsatynda istelip otyr, - deıdi BUU ókiliniń orynbasary Farhan Hak.
Qazirgi ýaqytta Saadada BUU-nyń jeti agenttigi jumys isteıdi, onyń ishinde Dúnıejúzilik azyq-túlik baǵdarlamasy, Dúnıejúzilik densaýlyq saqtaý uıymy jáne ıÝNISEF bar.
AQSh Iemendegi hýsıtterdi lańkestik uıym retinde qaıta tanyǵanyn jazǵan edik.