BUU Kenııada quny 340 mln dollar bolatyn jańa keshenniń irgetasyn qalady
ASTANA. KAZINFORM — Joba uıymnyń Afrıkadaǵy eń iri ınfraqurylymdyq ınvestıtsııalarynyń birine aınalady. Bul týraly Anadoly agenttigi jazdy.
BUU Bas hatshysy Antonıý Gýterrısh pen Kenııa prezıdenti Ýılıam Rýto Kenııa astanasy Naırobıde quny 340 mln dollar bolatyn jańa keshenniń irgetasyn qalaý rásimine qatysty.
Naırobıdegi BUU kesheni aýmaǵynda ótken saltanatty shara barysynda Gýterrısh pen Rýto jańa konferents-ortalyqtyń irgetasyn qalap, zamanaýı keńse ǵımarattarynyń ashylýyna qatysty.
BUU Naırobıdegi ortalyǵyn shamamen 340 mln dollarlyq joba aıasynda keńeıtip jatyr. Bul joba bitimgerlik operatsııalaryn eseptemegende, uıymnyń Afrıkadaǵy eń iri ınfraqurylymdyq ınvestıtsııalarynyń birine aınalmaq.
BUU Bas Assambleıasy maquldaǵan ınvestıtsııa Naırobıdegi keshenniń múmkindikterin keńeıtip, qalany uıymnyń negizgi jahandyq ortalyqtarynyń birine aınaldyrýǵa baǵyttalǵan.
Joba sondaı-aq BUU-nyń Afrıkadaǵy operatsııalyq qatysýyn kúsheıtip, halyqaralyq yntymaqtastyqtyń tıimdiligin arttyrýdy kózdeıdi.
Buǵan deıin Kenııada úkimetke qarsy sherýler qaıta bastalǵanyn jazdyq. Naırobıde salyqty kóterý týraly daýly zań jobasynyń kúshi joıylǵanyna qaramastan, polıtsııa agressıvti demonstranttardy taratý úshin kózden jas aǵyzatyn gaz qoldana bastady.
