BUU Qazaqstandaǵy memlekettik qyzmet reformasyna qoldaý kórsetýde

ALMATY. QazAqparat – Almatyda memlekettik basqarý oqý oryndary men ınstıtýttarynyń 2030 jylǵa deıingi turaqty damýyna arnalǵan BUU-nyń halyqaralyq semınary ótti, dep habarlaıdy QazAqparat tilshisi.

Halyqaralyq semınarǵa 10 eldiń ókili qatysty. Sheteldik sarapshylar memlekettik qyzmetshiler áleýetin, olardyń bilimi men biligin paıymdaý jáne kóshbasshylyq qabiletterin arttyrý máselelerin talqylady.

Astana memlekettik qyzmet haby basqarýshy komıtet tóraǵasy Álıhan Baımenovtyń aıtýynsha, memlekettik basqarý sapasy, óz kezeginde, kóbine bilim berý mekemeleri men memlekettik basqarý ınstıtýttary aınalysatyn kadrlar daıyndaý sapasymen anyqtalady. Bul aspektiler qazirgideı VUCA álemde árbir eldiń damý basymdylyqtaryna jetý jolynda ózekti bola túsýde.

«BUU-nyń Bas assambleıasy bekitken adamzattyń turaqty damý maqsattary aıasynda memlekettik basqarýdyń sapasy óte mańyzdy ról atqarady. Sebebi, 17 maqsattyń bárin úılestirýshi ulttyq úkimetter bolyp tabylsa, sol ulttyq úkimetterdiń jumys sapasy bul memlekettik qyzmetshilerdiń biliktiligimen de anyqtalady. Osy turǵydan alǵanda jalpy osy adamzattyń 2030 jylǵa deıin belgilengen mejelerine jetý úshin, biz memlekettik qyzmetshilerdiń de biliktiligin arttyryp, olarǵa osy atalǵan maqsattardyń bir-birimen baılanysyn túsindirýimiz qajet», – dedi Astana memlekettik qyzmet haby basqarýshy komıtet tóraǵasy Álıhan Baımenov.

Semınar barysynda, BUU damý baǵdarlamasynyń turaqty ókili ıAkýp Berısh memlekettik qyzmetti damytý maqsatynda kóptegen elderdiń úkimetterine ozyq, zamanaýı tásildermen tanysýǵa, tıimdi oqytý baǵdarlamasyn daıarlaýda qoldaý kórsetetinderin jetkizdi.

«BUU damý baǵdarlamasy Qazaqstanda memlekettik qyzmet reformasyna, onyń ishinde memlekettik qyzmetkerler áleýetin arttyrýǵa yqpal etedi. Memlekettik qurylymdarǵa Astana memlekettik qyzmet habymen birge jańa, belsendi, ınnovatsııalyq mehanızmder qoldanýda qolǵabys jasaımyz. Sondaı-aq, Qazaqstannyń memlekettik qyzmet agenttigine memlekettik qyzmetkerlerdiń biryńǵaı quzyretter sheńberin jáne eńbekaqy júıesin ázirleýde qoldaý kórsetemiz. Astana haby óz mıssııasyn júzege asyrýda memlekettik qyzmetkerler áleýetin arttyrý máselesine únemi, júıeli túrde kóńil bóletindigi qýantady», - dedi Qazaqstandaǵy BUU DB turaqty ókili ıAkýp Berısh.

Semınarǵa qatysýshylar memlekettik basqarý oqý oryndarynyń ózekti máselelerin, olardyń transformatsııalaný joly men ınnovatsııalyq kóshbasshylyǵy jaıyndy oı bólisti. Al memlekettik basqarý salasyndaǵy ozyq tájirıbemen Nıderlandy, AQSh, BAÁ jáne basqa elderden kelgen sarapshylar pikir almasty.

Shara aıasynda, qonaqtar halyqqa qyzmet kórsetý ortalyǵy jáne «Azamattarǵa arnalǵan úkimet» memlekettik korporatsııasynyń jumysymen tanysty.

Semınar jumysy eki kúnge sozylmaq.