BUU: Qazaqstan Ortalyq Azııada bosqyndardy moıyndaý kórsetkishteri boıynsha aldyńǵy qatarda tur

ASTANA. QazAqparat - Qazaqstanda bosqyndardy moıyndaý kórsetkishteri 60 paıyzǵa ósken, bul - Ortalyq Azııada eń joǵary bolyp sanalady. Bul týraly búgin QR Qorǵanys mınıstri Qalmuhanbet Qasymovpen kezdesý kezinde BUU Bosqyndar isteri jónindegi Joǵarǵy Komıssary Basqarmasynyń Ortalyq Azııadaǵy aımaqtyq ókili Saber Azam málim etti.

«Qazaqstannyń memlekettik organdarymen, sonyń ishinde ІІM arasyndaǵy áriptestik sońǵy tórt jylda jemisti boldy. Bosqyndar týraly zań qabyldanǵannan keıin bosqyndardyń mártebesin anyqtaý quqyǵy QR ІІM Kóshi-qon polıtsııa departamentine berildi. BUU Bosqyndar isteri jónindegi Joǵarǵy Komıssary Basqarmasy osy saladaǵy jumystarǵa oń baǵa berip otyr. Sebebi byltyr Qazaqstanda bosqyndardy moıyndaý kórsetkishteri 60 paıyzǵa ósken, bul - Ortalyq Azııada eń joǵary bolyp sanalady», - dedi ol.

Atap óteıik, S.Azamnyń Ortalyq Azııadaǵy mıssııasy bıyl aıaqtalady.

Brıfıng barysynda BUU ókili uıymnyń qyzmetin belsendi túrde aqparattandyryp kelgen qazaqstandyq BAQ-qa alǵysyn aıtty.