BUU qaýymdastyǵynyń halyqaralyq qorlarymen baılanysqa dáneker bolǵym keledi - Á.Sadyqova
"Men 15 jyldan beri BUU qaýymdastyǵy aıasynda qurylǵan birneshe eldegi túrli halyqaralyq qorlardyń jumysyna atsalystym. Sonda atajurtqa oralǵanda osyndaı qorymyz bolsa eken dep armandadym. Ańsaǵan arman oryndalady eken. Endi ol júzege asyp otyr. Qor adamdardyń fızıkalyq, emotsııalyq muqtajdaryn tolyqtyrýǵa baǵyttalǵan baǵdarlamalardy oryndaıdy. Onyń maqsaty keleshekte shet memleketterdegi halyqaralyq qorlarmen aralasyp, ondaǵy ozyq tájirıbe men jańa tehnologııalardy Qazaqstanǵa taratýǵa yqpal etý", - deıdi qor dırektory Álıma Sadyqova.
Ózbekstannyń Tashkent oblysy Bostandyq aýdanynda ómirge kelgen Alıma Mahanqyzynyń aıtýynsha, Qazaqstanǵa kelip jatqan oralmandardyń 60 paıyzyn Ózbekstannan kelgender quraıdy. Qazir bul kórshi elde resmı statıstıka boıynsha 1,5 mıllıonǵa jýyq, al beıresmı derek boıynsha 2 mıllıon qazaq turady. Olar negizinen Bostandyq aýdanynda shoǵyrlanǵan. Ondaǵy qazaqtardyń úlesi 90 paıyzdy quraıdy. Budan bólek Zarafshanda, Jızaqta, Tashkentte jáne ózge de birneshe oblystar men Qaraqalpaqstanda qonys tepken. Kópshiligi elge qaıtqysy keledi. Bul ár adamnyń óz qalaýy men erki boıynsha júzege asatyn is. Onda eshkim olarǵa ketińiz dep otyrǵan joq. Á.Sadyqovanyń sózine qaraǵanda, "Jalpy atajurtqa oralǵandaǵy qıyndyqty qıynshylyq deýge bolmaıdy. Óıtkeni ol óz elimiz, óz jurtymyz. Ózbekstandaǵy qazaqtardyń atajurtqa oralýyna onda qandaı da bir kedergi bolǵanyn aıtqan sol elden kelgen adamdy ol áli kezdestirmegen».
