BUU Qaýipsizdik keńesi Taıaý Shyǵystaǵy jaǵdaıdyń shıelenisýine baılanysty shuǵyl jıyn ótkizdi
ASTANA. KAZINFORM — BUU Qaýipsizdik Keńesi AQSh pen Izraıldiń Iranǵa jasaǵan jappaı áýe shabýylynan keıin shuǵyl jıyn ótkizdi. BUU Bas hatshysy Antonıý Gýterrısh «halyqaralyq beıbitshilik pen qaýipsizdikke úlken qater tónip turǵanyn» eskertti, dep habarlaıdy BUU jańalyqtary.
Gýterrısh óz sózinde Taıaý Shyǵystaǵy áskerı áreket «álemdegi eń turaqsyz aımaqta eshkim baqylaı almaıtyn oqıǵalar tizbegin týdyrýy múmkin» dep atap ótti. Ol Tegeran aımaqqa jaýap soqqylaryn jasaǵannan keıin «budan ári shıelenisýdiń aldyn alý úshin barlyq sharalardy qabyldaý» qajettigin basa aıtty.
Everything must be done to prevent a further escalation in the Middle East.
— António Guterres (@antonioguterres) February 28, 2026
I call on all sides to strictly uphold their obligations under international law, including the @UN Charter, protect civilians & ensure nuclear safety.
Let’s act responsibly & together to pull the… pic.twitter.com/FGkAZ2rt6j
«Let us act — responsibly and together — to pull the region, and our world, back from the brink.» — UN Secretary-General @antonioguterres tells UN Security Council in emergency session over Iran. pic.twitter.com/2s0Dv6wuA9
— UN News (@UN_News_Centre) February 28, 2026
Irannyń BUU-daǵy turaqty ókili Amır-Saıd Iravanı qaqtyǵysty BUU jarǵysy men halyqaralyq quqyqty buzý dep baǵalasa, Pákistan elshisi Asım Iftıhar Ahmad Irannyń soqqylaryn aıyptap, ony «baýyrlas Parsy shyǵanaǵy elderiniń egemendigin óreskel buzý» dep atady. Ol sondaı-aq BAÁ-de qulaǵan zymyran synyqtarynan qaza tapqan pákistandyq azamattyń qazasyna baılanysty kóńil aıtty.
Izraıldiń BUU-daǵy elshisi Dennı Danon Qaýipsizdik keńesinde AQSh pen Izraıl «ekzıstentsıaldy qaýip-qater qaıtymsyz jaǵdaıǵa jetpeı turyp, oǵan qarsy turý jáne toqtatý úshin» áreket etkenin aıtty.
— Biz ımpýlsıvti, agressıvti áreket etpedik. Biz qajettilikten áreket ettik, óıtkeni Iran rejımi bizge aqylǵa qonymdy balama qaldyrmady, — dedi ol.
Buǵan deıin BUU Bas hatshysy Antonıý Gýterrısh BUU Qaýipsizdik Keńesiniń shuǵyl otyrysynda Taıaý Shyǵystaǵy áskerı shıelenisti qatań synǵa alǵany týraly jazdyq.