BUU Qaýipsizdik keńesi Gaza josparyn qoldaıtyn AQSh qararynyń jobasyn qabyldady
ASTANA. KAZINFORM – BUU Qaýipsizdik keńesi AQSh prezıdenti Donald Tramptyń Gaza sektoryna qatysty beıbitshilik josparyn qoldaıtyn AQSh qararynyń jobasyn qabyldady, dep habarlaıdy TASS.
BUU Qaýipsizdik keńesindegi 15 músheniń 13-i qujatty qoldap daýys berdi. Reseı men Qytaı eli qalys qaldy.
Buǵan deıin AQSh-tyń BUU janyndaǵy turaqty ókildigi AQSh qararynyń jobasynda halyqaralyq turaqtandyrý kúshterin qoldaıtyn jáne palestınalyqtardyń HAMAS uıymynsyz Gazadaǵy turaqty, qaýipsiz, beıbit jáne gúldengen bolashaǵyn qamtamasyz etetin erejeler qamtylǵanyn habarlady.
Ótken aptada Reseıdiń BUU janyndaǵy turaqty ókildigi Reseıdiń Gazada turaqty beıbitshilikke qol jetkizý týraly BUU Qaýipsizdik keńesi qararynyń AQSh-qa balamaly jobasyn daıyndaǵanyn habarlady. Atap aıtqanda, Reseı AQSh qararynyń jobasy Palestına-Izraıl beıbit kelisimi úshin eki memleket sheshimin qoldamaıtynyna nazar aýdardy.
Aıta keteıik, buǵan deıin BUU Qaýipsizdik Keńesi Sırııa prezıdentine qarsy sanktsııalardy alyp tastaǵany týraly jazdyq.
