BUU Qaýipsizdik keńesi Bosnııa jáne Gertsegovınadaǵy bitimgershilik kúshteriniń mandatyn uzartty
ASTANA. KAZINFORM — BUU Qaýipsizdik keńesi EO-nyń Bosnııa jáne Gertsegovınadaǵy bitimgershilik kúshteriniń mandatyn taǵy 12 aıǵa uzartty, dep habarlaıdy Sınhýa.
15 músheden turatyn BUU Qaýipsizdik Keńesi 2795 qarar qabyldady. Ol Eýropalyq Odaqtyń «Alteıa» bitimgershilik operatsııasynyń ókilettikterin /EUFOR ALTHEA/ jáne NATO-nyń Bosnııa jáne Gertsegovınadaǵy qatysý merzimin osy qujat qabyldanǵan kúnnen bastap qosymsha 12 aı merzimge uzartady.
Bosnııa jáne Gertsegovındaǵy Eýropalyq Odaqtyń «Alteıa» operatsııasy NATO-nyń basshylyǵymen turaqtandyrý kúshteriniń murageri bolyp tabylady. Onyń mıssııasy 1992-1995 jyldar aralyǵynda Bosnııa jáne Gertsegovında bolǵan soǵystan keıin Deıton beıbitshilik kelisiminiń turaqty oryndalýyn qamtamasyz etý bolyp tabylady.
Qarar Birikken Ulttar Uıymyna múshe memleketterge suraý boıynsha «Alteıa» kúshterin nemese NATO-nyń qatysýyn qorǵaý úshin barlyq qajetti sharalardy qabyldaýǵa jáne eki uıymǵa da óz mandattaryn oryndaýǵa kómektesýge ruqsat beredi.
Aıta keteıik, buǵan deıin 65 el BUU-nyń kıberqylmysqa qarsy konventsııasyna qol qoıǵany týraly jazdyq.