BUU Qaýipsizdik keńesine jańa turaqty emes jańa músheler saılandy

BRıÝSSELЬ. QazAqparat - Juma, 8 maýsym kúni BUU Bas assambleıasy 2019-2020 jyldarǵa Germanııa men Belgııany BUU Qaýipsizdik keńesine turaqty emes múshe retinde saılady, dep habarlaıdy «QazAqparat» HAA-niń menshikti tilshisi.

Mamyr aıynda Izraıl óz kandıdatýrasyn qaıtaryp alýyna baılanysty Germanııa men Belgııa uıymnyń turaqty emes músheleri quramyna endi. Atalǵan elder BUU Qaýipsizdik keńesindegi oryn úshin «Batyseýropalyq jáne basqa da memleketter» tobynda baq synasqan bolatyn.

Qaýipsizdik keńesiniń turaqty emes músheligine ótý úshin kandıdattar Bas assambleıa delegattarynyń 2\3 daýysyn jınaýy tıis.

Germanııa men Belgııadan bólek BUU QK quramyna Domınıkan Respýblıkasy, Indonezııa jáne Ońtústik Afrıka endi. Olar 2019 jyldyń 1 qańtarynan bastap Keńes ústelindegi óz oryndaryn ıemdenedi.

Jańa saılanǵan turaqty emes músheler Keńeste Bolıvııa, Efıopııa, Qazaqstan, Nıderlandy jáne Shvetsııa memleketterin almastyrady.

Aıta keterligi, Qaýipsizdik keńesine halyqaralyq beıbitshilik pen qaýipsizdikti nyǵaıtý jaýapkershiligi júktelgen. Bul - BUU-ǵy uıymnyń barlyq músheleriniń sheshimi mindetti sanalatyn birden-bir organ.