BUU Qaýipsizdik keńesi zymyran ushyrǵan QHDR-dy aıyptady

ASTANA. QazAqparat - BUU Qaýipsizdik keńesi 6 naýryz kúni QHDR-diń ushyrǵan zymyrany úshin aıyptaǵan málimdeme qabyldady. Bul týraly Reuters Qaýipsizdik keńesine silteme jasap habaralaıdy.

BUU QK músheleriniń málimdemesinde Phenıan saıasatynyń shekten shyqqany aıtylady. Qaýipsizdik keńesi atap ótkendeı, «QHDR-diń osyndaı áreketi ıadrolyq qarýlardy jetkizý quraldarynyń júıesin damytýǵa baǵyttalyp, óńirdegi shıelenisti jáne óńirlik qarýlar jarysynyń órshý qaýpin arttyrady». Buǵan qosa, shaǵymda Qaýipsizdik keńesi zymyran ushyrýǵa baılanysty «qosymsha salıqaly sharalar» qabyldaýy múmkin.

QHDR 6 naýryz kúni tórt ballıstıkalyq zymyran ushyrdy. Olar  myń shaqyrymǵa deıin ushyp jetip, teńizge qulaǵan. Onyń úsheýi Japonııanyń ekonomıkalyq aımaǵynyń mańyna tústi. QHDR-dyń resmı jańalyqtar agenttiginiń habarlaýynsha, ushyrylymnyń basty maqsaty - Japonııadaǵy AQSh-tyń áskerı bazasyna shabýyldy pysyqtaý bolǵan.

Phenıannyń osyndaı is-áreketine AQSh, Japonııa jáne Ońtústik Koreıa alańdaýshylyq tanytýda.