BUU Qaýipsizdik keńesi Volgogradta bolǵan lańkestikti aıyptady

ASTANA. 30 jeltoqsan. QazAqparat - BUU Qaýipsizdik keńesi Volgogradtaǵy lańkestikti aıyptap, ony uıymdastyrǵan jáne iske asyrǵan kinálilerdi jaýapkershilikke tartý qajettigin málimdedi.

«Qaýipsizdik keńesiniń músheleri 2013 jyldyń 29 qarashasynda Volgograd vokzalynda bolǵan lańkestik shabýyldy úzildi-kesildi aıyptaıdy. Atalǵan oqıǵa saldarynan birneshe adam ólim qushyp, jaraqattandy», - dep jazylǵan Qaýipsizdik keńesiniń baspasóz qyzmetkerlerine arnaǵan málimdemesinde. Qaýipsizdik keńesiniń músheleri qaza bolǵandardyń otbasylaryna, sonymen birge Reseı halqy men bıligine kóńil aıtty.

Óz málimdemelerinde Qaýipsizdik keńesiniń músheleri «lańkestik aktisiniń uıymdastyrýshylary men demeýshileri jáne ony iske asyrǵandardy jaýapkershilikke tartý kerektigin» atap ótti, barlyq elderdi olardyń BUU QK-degi halyqaralyq quqyq pen sáıkes qararlar aıasynda shabýyldy tergeýde Reseı bıligimen belsendi yntymaqtasýǵa shaqyrdy.

Volgogradtyń temir jol vokzalynda lańkestik oqıǵa 29 jeltoqsan kúni kúndiz oryn aldy, dep habarlady ITAR-TASS. Saldarynan 16 adam qaza taýyp, 37 adam aýrýhanaǵa jatqyzyldy. Aldyn ala boljam boıynsha, jarylysty ózine-ózi jarǵan lańkes júzege asyrǵan.