BUU Qaýipsizdik keńesi Ýkraınadaǵy MN17 apatyn tyńǵylyqty tergeýdi talap etýde
ASTANA. QazAqparat - BUU Qaýipsizdik keńesi Donetsk mańyndaǵy áýe apatyn halyqaralyq turǵyda tekserýge shaqyrdy, dep habarlady VVS.
«BUU QK músheleri IKAO erejelerine sáıkes, atalǵan oqıǵaǵa tolyq, tyńǵylyqty jáne táýelsiz halyqaralyq tergeý júrgizýge shaqyrdy», -delingen Qaýipsizdik keńesiniń málimdemesinde.
Qujattyń avtorlary sonymen qatar barlyq taraptar ushaq apatynyń ornyna tergeýshilerdiń emin-erkin barýyna ruqsat berý kerektigin alǵa tartýda.
Budan buryn habarlanǵandaı, malazııalyq «Boıng-777» Ýkraınanyń Donetsk oblysynda beısenbi kúni keshqurym apatqa usharaǵan bolatyn. Onyń bortyndaǵy 298 adamnyń barlyǵy ajal qushty.
