BUU Qaýipsizdik keńesi Soltústik Koreıaǵa sanktsııa saldy

ASTANA. QazAqparat - BUU Qaýipsizdik keńesi músheleri Soltústik Koreıaǵa sý astynda zymyrandar ushyrýǵa qatysty qosymsha sanktsııalar salýdy qarastyratyn rezolıýtsııany qabyldady, dep habarlaıdy newsru.com .

Jańa sanktsııalar KHDR-dan temir jáne qoǵasyn rýdalaryn, kómir jáne teńiz ónimderin eksporttaýǵa tyıym salady. Sondaı-aq qujatta basqa elderge soltústik koreılik jumysshylardy qabyldaýǵa jáne KHDR-men jańa mámile men kelisim jasaýǵa tyıym salynatyny atap ótilgen. Osyndaı sharalar soltústikkoreılik eksporttyń úshten birin qysqartady dep kútilýde. Ol qazir 3 mıllıar dollar shamasynda.

Reuters agenttiginiń habarlaýynsha, qujatqa keńestiń barlyq músheleri qoldap daýys bergen.