BUU Qaýipsizdik Keńesi Soltústik Koreıaǵa qosymsha sanktsııa salýy múmkin

NUR-SULTAN. QazAqparat - AQSh-tyń bastamasymen 26 mamyrda BUU Qaýipsizdik Keńesiniń otyrysynda Soltústik Koreıaǵa qatysty qosymsha sanktsııa salýǵa daýys berý josparlanyp otyr, dep habarlaıdy QazAqparat Yonhap News agenttigine silteme jasap.

AQSh úkimeti halyqaralyq qaýymdastyqty Soltústik Koreıanyń sońǵy zymyran ushyrýyn aımaq pen álemge qaýip tóndiredi dep aıyptaýǵa qosylýǵa shaqyrdy.

Nıý-Iorktegi osy sessııada veto quqyǵy bar keńes músheleri Qytaı men Reseı Phenıanǵa salynatyn sanktsııalardy kúsheıtýge qarsy daýys berýi múmkin degen boljam bar.

Soltústik Koreıa osy jyldyń 25 mamyrynda úsh ballıstıkalyq zymyran ushyrdy, onyń biri - qurlyqaralyq.

Bul - bıylǵy 17-shi jáne jyl basynan bergi qurlyqaralyq zymyrannyń úshinshi synaǵy boldy.