BUU qaýipsizdik keńesi Sırııa boıynsha qarardan bas tartty
ASTANA. 11 qazan. QazAqparat - BUU qaýipsizdik keńesi Sırııadaǵy hımııalyq qarýdy qarar kúıinde emes, jospar túrinde joıý sheshimin qabyldaıdy,
dep málimdedi halyqaralyq uıymnyń dıplomattary. Olar Qaýipsizdik keńesiniń uıymnyń Bas hatshysy Pan Gı Mýnnyń sırııalyq hımııalyq qarýdy joıý týraly josparymen keliskenin habarlady. BUU janyndaǵy Frantsııa elshisi Jerar Aro men Reseı ókili Vıtalıı Chýrkın jabyq keńesten keıin 15 músheniń qarardy qabyldamaý týraly sheshim shyǵaryp, Pan Gı Mýnnyń josparyn bekitýdi durys dep tapqanyn habarlady.
BUU Bas hatshysynyń 11 paraqtyq joldaýy ótken aıda qaýipsizdik keńesiniń sırııalyq hımııalyq qarýdyń halyqaralyq baqylaýǵa tapsyrylyp, keıinnen joıý týraly qabyldanǵan sheshimine jaýap boldy.
