BUU Qaýipsizdik Keńe­siniń ýaqyt­sha múshesi bolý - Qazaqstan álemdik arenada óz ornyn oıyp alady degen armanǵa naqty ja­salǵan qadam

ASTANA. QazAqparat - Qazaqstan BUU Qaýipsizdik Keńe­siniń 2017-2018 jyldarǵa turaqty emes múshesi bolyp saılandy. Osy tarıhı oqıǵaǵa oraı «Egemen Qazaqstan» gazetinde zııaly qaýym ókilderiniń birqatar pikirleri jarııalanǵan.

***

Elimiz BUU Qaýipsizdik Keńe­siniń 2017-2018 jyldarǵa turaqty emes múshesi bolyp saılandy. Bas As­sambleıada ótken daýys berý ke­zinde Qazaqstan 138 memlekettiń qol­daýyna ıe boldy degen habar jet­ti. Buǵan deıingi ha­barlardan Azııa-Tynyq muhıty aı­maǵy memleketteri atynan 1-orynǵa Qa­zaq­stan jáne Taı­land elderi talasqany da bel­gili. Álem memleketteri bizdi qoldady.

Prezıdentimiz Nursultan Nazarbaevtyń elimizdiń órke­n­deýine sińirgen eńbeginiń taǵy bir ólshemi osyndaı deýge bolar. BUU - birinshi kezekte beıbitshilikti qoldaýshy uıym. Árbir eldiń saıası turaqtylyǵyn, birligin baǵalaıdy. Bıylǵy Elbasy AQSh-ta ótken tórtinshi antııadrolyq jahandyq sam­mıttegi manıfesinde kóptegen máselelerdi qozǵady. Bizdiń stýdentterimiz de Elbasynyń árbir Joldaýy, jańashyl refor­ma­laryn qoldaıdy. Elimizdiń álem­degi qarýsyzdaný saıasatynyń etalo­ny bolǵanyn, Semeı ıadrolyq polıgonyn jabý, ıadrolyq qarýdan óz erkimen bas tartý sııaqty bas­ta­mashyl beıbitshil ıdeıa­lary halyq­aralyq qoǵam­dastyqta qoldaýǵa ıe ekenin jastar óte jaqsy biledi. Eli­miz­diń Azııadaǵy ózara is-qımyl jáne senim shara­la­ry jónindegi keńes shaqyrý tý­raly bastamasy, Eýro­p­a­daǵy qaýipsizdik já­ne yntymaqtastyq uıymyna tóraǵalyq etýi, Ortalyq Azııada ıadrolyq qarýdan azat aımaq qurý, qaýi­psiz jańa álem men ádi­let­tilikke ba­ǵyt­tal­ǵan G-global basta­masy elimizdi búkil álem­ge tanytty. Halyq­aralyq qoǵam­dastyq­ty ıadrosyz álem qurýǵa, soǵysty boldyrmaýǵa shaq­yrǵan AQSh-taǵy ıadrolyq qaýip­sizdik jónindegi sammıtte jarııa­lanǵan Elbasynyń «Álem. HHІ ǵasyr» manıfesi BUU-nyń resmı qujatyna aınalǵany da bárimiz­ge belgili. Birligimizdi baǵalap, tatýlyǵymyzdy jo­ǵalt­­­paıyq degen uly sóz jas­tardyń júregin­de. Alda As­tananyń týǵan kúni qar­sańyn­da BUU Qaýipsizdik Keńesi­niń turaqty emes múshesi bolyp saılaný - erteńgi tarıh, keleshek urpaqtyń jolyna jasalǵan úlken syılyq, jarqyn jetistik bolyp tabylady.

Jumabek Omarov,

S. Toraıǵyrov atyndaǵy ýnıversıtettiń oqytýshysy,

tehnıka ǵylymdarynyń kandıdaty, dotsent

PAVLODAR

***

Armandar jolynda aıanyp qalmaýymyz kerek

Memlekette  ońtaı­syz ekonomıkalyq óz­gerister týyndaǵan  tusta, el ekonomıkasy álemdik daǵdarys tolqyndaryn sezingen  kezde, endi qandaı ózgerister bolady degen kezeńde Qazaqstan Respýblıkasy Azııa toby memleketteriniń atynan Birikken Ulttar Uıymy Qaýipsizdik Keńesiniń 2017-2018 jyldarǵa ýaqytsha múshesi bolyp saılanǵany úlken úmit pen senimdilik syılaǵandaı boldy. Bul týraly Nıý-Iorkte BUU Bas Assambleıasynda ótken daýys berýdiń nátıjesinde málim boldy. Búkil Qazaqstan úshin bul - tarıhı kún. Jalpy, Qazaqstan memleketi Elbasy Nursultan Nazarbaevtyń salıqaly saıasaty arqasynda táýelsizdik alǵan jyldardan beri úlken strategııalyq maqsattar qoıa bildi. Biz damyǵan eldermen qarym-qatynasymyzdy keńeıtý ústindemiz. Maqsatymyz aıqyn, ol - damyǵan 30 eldiń qataryna qosylý. Osy tarapta biz osy mem­le­ketterdiń júrip ótken joldary men jetistikterin saraladyq. Olardyń damýyndaǵy ınte­gratsııalyq uıym­dardyń  rólin zer­deledik. Biz de osy uıymdarǵa múshe bolýǵa um­tyl­dyq. Jetistikterimiz de ulan-ǵaıyr. Ortalyq Azııadaǵy ınte­gratsııalyq uıymdardyń kósh basyndamyz. Birikken Ulttar Uıymy Qaýipsizdik Keńesiniń 2017-2018 jyldarǵa ýaqytsha múshesi bolyp saılanǵanymyz, Dúnıejúzilik saý­da uıymyna kirýimiz bizdiń álemdik arenadaǵy bedelimizdi aıqyndap turǵandaı. Damyǵan 30 eldiń qataryna qosylý úshin Elbasy basty baǵdar retinde EYDU-ǵa múshe elderdiń qaǵıdattary men standarttaryn paıdalanýdy usyndy.

Memleketter damýynda mun­daı qadamdardyń orny erekshe. Kez kelgen memleket óziniń damýynda sheteldik tájirıbelerge súıenedi. Jaqsy jaqtaryn saralaıdy. Óz memleketine yń­ǵaı­­las­tyrady jáne álemdik us­tanymdardy qoldanady. Biz eko­nomıkamyzdaǵy basymdyqtar retinde eksporttyq áleýetti art­tyrýǵa umtylýdamyz. Al, ol úshin álemdik standarttar men qaǵıdattardyń orny erekshe. Jaqyn arada Qazaqstan álemdik arenada óz ornyn oıyp alady dep úmittenemin. Ol - bizdiń arman. Ol - Elimniń armany. Al, armandar jolynda eshqaısymyz aıanyp qalmaýymyz kerek. Birikken Ulttar Uıymy Qaýipsizdik Keńe­siniń 2017-2018 jyldarǵa ýaqyt­sha múshesi bolý osyǵan naqty ja­salǵan qadam. Іske sát, Qazaqstan.

Sultan ÁBІLDAEV,

M. H. Dýlatı atyndaǵy Taraz memlekettik ýnıversıtetiniń ekonomıka salasy boıynsha ǵylym doktory

TARAZ

***

Іrgemiz bekigendiginiń belgisi

Keshegi sársenbi Qazaqstan úshin erekshe kún bolyp tarıh betine jazyldy. Sebe­bi, Qazaqstan Res­pýb­lıkasynyń kelesi jyl­­dan bastap Azııa mem­­leketteri tobynyń óki­li retinde Birikken Ult­tar Uıymy Qaýip­siz­dik Keńesiniń 2017-2018 jyldarǵa ýa­qytsha múshesi bo­lyp saılanǵanyn aq­parat quraldary ar­qyly estip, qýanyp ja­tyr­myz. Muny, birinshi kezekte, El­basynyń álemdik saıasattaǵy bedeliniń bir jemisi dep te baǵalaımyz.

Olaı deıtinim, Nıý-Iorktegi daýys berýge qatysqandardyń arasynan 138 memlekettiń Qazaq­stannyń kandıdatýrasyn qol­daǵany kóp jaıdy ańǵartady. BUU Qaýipsizdik Keńesine múshe bolýǵa ótinim bildirgen Qazaqstannyń birden-bir básekelesi bolǵan Taıland Koroldigin 50-den astam memleket qana jaqtap daýys beripti. Árıne, bul - saıasat. Qandaı da bir pikir aıtyp, oı qoz­ǵaýdan aýlaqpyz. Bizdiki aq­parat álemindegi jyldamdyqqa tánti bola otyryp, Qazaqstannyń jetistigine qýana ún qosý.

Erekshe aıtyp óter jaıt - 130-dan astam etnos ókili turatyn memleketimizdiń ishki jáne syrtqy saıasattaǵy bedeldiligi bolyp otyr. Yntymaǵy uıyǵan elimizde beıbitshiliktiń beriktigi - sonyń jarqyn dáleli. Qalaı desek te, bul úlken synnan Qazaqstan taǵy da múdirmeı ótti. Syrtqy ister mınıstri dıp­lo­matııalyq sheber­lik­ti kórsete aldy. Beı­bit­shiliktiń berik­tigi bizdiń Taldy­qor­ǵan qalasynda da aıqyn kórinip tur. Túrli sala­lar boıyn­sh­a kelip-ketetin shet­el­dikter etnostar dos­tyǵyna razy bolyp, esh min ta­ba almaı, qaıta tán­ti bolatynyn óz kózimi­z­ben kórip, óz qulaǵymyzben estip júrmiz ǵoı.

Shyny kerek, biz, Jetisý jerindegi zııaly qaýym saıasattan tys qalmaı, dóńgelengen dúnıe­niń de, respýblıkamyzdyń ishin­­de­gi de ár ózgeristi qalt jibermeı baqylap otyramyz. BUU Qaýip­sizdik Keńesiniń barlyǵy 15 mem­leketten quralǵanyn, onyń ishin­degi bes memlekettiń turaqty múshesi ekenin de jaqsy bilemiz. Al Qazaqstannyń halyqaralyq qoǵamdastyqta úlken bedelge ıe bolyp, eki jyldyq merzimge bes óńirlik toptar qatarynan múshe­likke saılanǵany elimiz úshin erekshe abyroı. Qýanarlyǵy sol, el irgesi bekigen saıyn mem­leketimizdiń qaýipsizdigi de kú­sheıip kele jatyr emes pe?!

Serikbaı NURǴISAEV,

Memlekettik qyzmet isteri mınıstrliginiń

Almaty oblysy boıynsha departamentiniń basshysy

TALDYQORǴAN

***

Qurmettelýdiń basty kórinisi

Qazaqstannyń azamaty, joǵary oqý orny­nyń jetekshisi, ǵalym ári elimizdiń shynaıy patrıottarynyń biri retinde onyń barlyq jetis­tikteri men buǵan deıingi tabystaryna shyn júrekten qýanamyn. Ortaq Otanymyz Qazaqstan Birikken Ulttar Uıymynyń Qaýipsizdik Keńesine múshe bolyp saılanǵanyn estigen kezde elim úshin mereıim tasyp, rııasyz kúı keshtim.

Dál búgingideı músheliktiń orny da bólek, mártebesi de bıik, mereıi de ústem desem, ar­tyq ketpeıtin shyǵarmyn. Hal­qy­myzdyń aýyzeki tildik qolda­nysynda top ortasynan jaryp shyqty, oq boıy ozyq shyqty degen tirkester bar. Elimizdiń dúnıejúzindegi eń salmaqty, eń abyroıly ári eń bedeldi saıası organnyń qataryna kirýi, nebári 15 memleketten quralǵan BUU Qaýipsizdik Keńesiniń bel ortasynda turýy - shyn máninde jarqyn jetistik, dara deńgeı, ózge bıikter almastyra almaıtyndaı shyrqaý shyń.

Daýys berýge qatysqandardyń arasynan 138 memleket Qazaqstandy qoldapty. Osy arada olar Qazaqstanǵa ne úshin daýys berdi degen saýal týyndaıdy. Bul suraqtyń da jaýaby óte qarapaıym deý­ge bolady. Bul - El­ba­symyz Nursultan Nazarbaevtyń sarab­dal saıasatynyń nátı­je­sinde ornyqqan eli­miz­diń beıbitshilik súıgish bitim-bolmysy. Beıbit kúnniń qadir-qasıetin eshteńemen teńgermeıtin márt minezi. Óıtkeni, beıbitshilik pen tatýlyq toǵysqan jerde qalǵan máseleler men problemalar birinen soń biri sheshimin taýyp, ózinen ózi rettele beredi. Bul sózimizge qazirgi Qazaqstan qoǵa­my ómirinen de naqty mysaldar taýyp aıtýǵa bolady. Qysqasy, Qaýip­sizdik Keńesine múshe bolý - Qazaq­stannyń osy izgilik qasıetiniń mo­ıyndalýy men qurmettelýiniń basty kórinisi jáne jahandyq qaýipsizdikke qosqan súbeli úlesiniń baǵalanýy dep oı túıýge bolady.

Qazaqstan qaı kezde de Azııa toby memleketteriniń atynan kósh bas­tap kelgen bolatyn. Bul joly da dál solaı boldy. Elimizdiń búgingi taǵy bir bıik belesi onyń tarıhyna altyn áriptermen jazylyp qalatynyna eshqandaı kúmánimiz joq.

Aqserik ÁITІMOV,

Qazaqstannyń ınnovatsııalyq jáne telekom­mýnı­katsııalyq 

júıeler ýnıversıtetiniń rektory

Batys Qazaqstan oblysy

***
Esterińizge sala keteıik, 2016 jylǵy maýsymnyń 28-i táýelsiz Qazaqstan úshin el ómirindegi erekshe mańyzdy data retinde tarıhta qalatyny anyq. Qazaqstan Respýblıkasy Azııa toby memleketteriniń atynan Birikken Ulttar Uıymynyń Qaýipsizdik Keńesiniń 2017-2018 jyldarǵa turaqty emes múshesi bolyp saılandy. Nıý-Iorkte BUU Bas Assambleıasynda ótken daýys berýdiń nátıjesinde daýys berýge qatysqandardyń arasynan 138 memleket Qazaqstannyń kandıdatýrasyn qoldady. Al qazaqstandyq ótinimniń jalǵyz básekelesi - Taıland Koroldigi úshin 50-den astam memleket daýys bergen bolatyn.
Aıta keterligi, 2017-2018 jyldarǵa BUU Qaýipsizdik Keńesiniń ýaqytsha múshesi bolý jónindegi bastama alǵash ret 2013 jyly Qazaqstannyń BUU músheligine 20 jyl tolýy qarsańynda kóterilgen edi. Elbasynyń tapsyrmasyna oraı, Qazaqstannyń BUU qurylymdyq bólimshelerimen jemisti ári tyǵyz qarym-qatynastary esepke alyna kele, sondaı-aq, elimizdiń halyqaralyq qoǵamdastyqtaǵy róli eskerile otyryp, memleket óz aldyna BUU Qaýipsizdik keńesiniń 2017-2018 jyldardaǵy turaqty emes múshesi retinde saılaný mindetin qoıǵan bolatyn. Muny Prezıdent N. Nazarbaev: «Qazaqstan Ortalyq Eýrazııadaǵy qaýipsizdik pen turaqtylyqtyń dińgegi bolýǵa, beıbitshilikti ornyqtyrýda jáne halyqtar arasyndaǵy yntymaqtastyqty ilgeriletýde senimdi áriptes bolýǵa umtylady. BUU Qaýipsizdiginiń turaqty emes múshesi bolýǵa talpynýdyń negizinde de dál osy maqsat jatyr», - dep atap ótken edi. Osy ýaqyttan beri qazaqstandyq dıplomatııa alǵa qoıylǵan maqsatqa qol jetkizý úshin jan-jaqty ári qyzý jumystarǵa kiristi. Bedeldi Uıymnyń qurylymyna múshe bolý úshin keminde 193 memlekettiń 129-ynyń senimin alý kerek bolatyn.
Al mundaı múshelikten Qazaqstan ne utady degenge kelsek, bul - eń aldymen, elimizdiń halyqaralyq saıası arenadaǵy ımıdjin arttyrýǵa septigin tıgizedi. Táýelsizdiktiń alǵashqy kúninen beıbit damý jolyn tańdaǵan Qazaqstannyń jahandyq qaýipsizdik bastamalaryn álemdik qaýymdastyq ta moıyndap keledi. Elbasy Nursultan Nazarbaevtyń Táýelsizdik tuǵyryndaǵy tuńǵysh sheshimi - Semeı ıadrolyq polıgonyn jabý jáne álemdegi tórtinshi ıadrolyq arsenaldan óz erkimen bas tartý týraly jarlyq boldy. 2009 jyly, Ortalyq Azııada ıAdrolyq qarýdan erkin aımaq qurý týraly kelisimge qol qoıdy. Osy bastamalardyń ózi Qazaqstannyń bedelin arttyryp, halyqaralyq qaýipsizdik salasyndaǵy tyń bastamalardy odan ári júzege asyrýǵa jol ashty. ıAdrolyq qaýipsizdik baǵytyndaǵy qazaqstandyq bastamalar elimizdi sózsiz kóshbasshyǵa aınaldyrdy. BUU múshe memleketteriniń Qazaqstan kandıdatýrasyn jaqtap daýys berýi de sonyń aıǵaǵy. Elbasy N. Nazarbaevtyń «Álem.HHІ ǵasyr» manıfesiniń BUU resmı qujaty retinde tirkelýiniń ózi de bul jeńistiń jolyn jaqyndatqany anyq. 2017-2018 jyldarǵa BUU Qaýipsizdik Keńesiniń turaqty emes múshesi bolyp saılanǵan Qazaqstan endigi kezderi osynaý kóshbasshylyq ustanymyn odan saıyn belsendi túrde ilgeriletetin bolady. ıAǵnı, Keńeske múshelikti Qazaqstannyń aımaqtyq qana emes, ǵalamdyq qaýipsizdikke qosqan úlesiniń tıisinshe baǵalanýy dep qaraǵan jón. Al QR Syrtqy ister mınıstri Erlan Ydyrysovtyń aıtýynsha, Qazaqstannyń BUU Qaýipsizdik Keńesine saılanýy aımaqtyń shıelenisti jaǵdaılaryna álemdik qaýymdastyqtyń nazaryn aýdarýǵa, memlekettiń halyqaralyq bastamalaryn iske asyrýǵa, Astananyń jahandyq máselelerde mańyzdy ról atqaryp, «Eýrazııa keńistigindegi qaýipsizdik pen turaqtylyq faktory» retinde Qazaqstannyń ımıdjin kóterýge sebep bolmaq.
Toqtala ketetin jaıt, BUU Qaýipsizdik Keńesiniń quramy sońǵy ret 2014 jyldyń 16 qazanynda jańartylyp, 2015-2016 jyldardaǵy turaqty emes músheleri bolyp jańadan 5 memleket: Angola, Malaızııa, Venesýela, Jańa Zelandııa jáne Ispanııa saılanǵan-dy. Qaýipsizdik Keńesine múshe memleketterdiń jalpy sany - 15. Olardyń beseýi turaqty: AQSh, Qytaı, Reseı, Ulybrıtanııa jáne Frantsııa. Al qalǵan on turaqty emes múshesi BUU Bas assambleıasy arqyly saılanyp otyrady. Keńestiń turaqty emes músheleri eki jyldyq merzimge taǵaıyndalady. Turaqty emes múshelerdi saılaý óńirlik prıntsıpter boıynsha júrgiziledi. Máselen, buǵan deıingi saılaýda óz kandıdatýralaryn usynǵan Angola, Venesýela jáne Malaızııa sol óńirlerdegi birden-bir úmitkerler bolsa, qalǵan eki oryn úshin báseke qyzý ótti. Daýys berýdiń birinshi kezeńinde 145 daýys jınaǵan Jańa Zelandııa Qaýipsizdik Keńesiniń quramyna endi. Al ekinshi kezeńde negizgi qarsylasy Túrkııadan 60 daýys artyq jınap, 132 memlekettiń senimine ıe bolǵan Ispanııa uıym músheligine qabyldanǵan bolatyn.
BUU-ǵa múshe 193 eldiń ishinde Qaýipsizdik Keńesiniń músheligine birneshe ret saılanǵan memleketter de bar. Máselen, Japonııa men Brazılııa Keńes quramyna toǵyz ret qabyldansa, Úndistan alty, Germanııa úsh márte múshe bolǵan eken. Esesine, Qaýipsizdik Keńesi qurylǵan 1946 jyldan beri onyń músheligine múldem qabyldanbaǵan 60 memleket bar. Keńes Odaǵy ydyraǵannan keıin jańa táýelsiz memleketterden Ýkraına, Belorýssııa men Ázerbaıjan BUU Qaýipsizdik Keńesine múshe boldy. Endi olardyń qataryna Qazaqstan da qosylyp otyr. Aıta keteıik, Qazaqstan Azııa elderi tobynan buǵan deıin saılanǵan Malaızııany almastyratyn bolady.«QR Prezıdenti N.Nazarbaev pen barsha qazaqstandyqtardy Qazaqstannyń BUU Qaýipsizdik Keńesiniń turaqty emes músheligine saılanýymen quttyqtaımyn. BUU Bas Assambleıasynda ótken daýys berý kezinde Qazaqstan 138 memlekettiń qoldaýyna ıe boldy. Bul - shyn máninde tarıhı oqıǵa. Bul - Elbasy bastaǵan otandyq dıplomatııanyń tarıhı jeńisi, búkil álem tanyǵan syrtqy saıasaty syndarly el ekenimizdiń aıqyn kórinisi bolyp tabylady. Osy oqıǵa oryn alýy úshin bir top qazaqstandyq dıplomattar, qoǵam qaıratkerleri ózderiniń qomaqty úlesin qosty. Dúrbeleńge toly asa kúrdeli ǵalamdyq ahýal jaǵdaıynda Qazaqstannyń osyndaı bedeldi ári jaýapty mıssııany abyroımen atqaratynyna kámil senemiz!» - dedi QR Parlamenti Senatynyń Tóraǵasy Qasym-Jomart Toqaev.

«Qazaqstannyń BUU Qaýipsizdik Keńesiniń Turaqty emes múshesi bolyp saılanýy - bul Qazaqstannyń, eń aldymen Elbasy Nursultan Nazarbaevtyń halyqaralyq arenadaǵy jetistikteriniń belgisi!», - dep atap ótti QR Parlamenti Májilisiniń Tóraǵasy Nurlan Nyǵmatýlın.
«Búkil Qazaqstan úshin bul tarıhı kún, óıtkeni bizdiń elimiz BUU Jarǵysy boıynsha ǵalamdyq qaýipsizdik pen beıbitshilikti saqtaýǵa ókilettengen eń mańyzdy saıası organnyń quramyna tarıhta birinshi bolyp saılanǵan Ortalyq Azııanyń memleketi boldy. Búgingi nátıje - halyqaralyq deńgeıdegi Qazaqstannyń jáne bizdiń Elbasymyz Nursultan Nazarbaevtyń jeke tulǵasynyń bıik bedeliniń, onyń ǵalamdyq jáne óńirlik máselelerdi retteýge, ıadrolyq qarýsyzdaný men taratpaý máselelerin ilgeriletýge qosqan biregeı úlesiniń jarqyn kýáligi!» - dedi Erlan Ydyrysov, QR Syrtqy ister mınıstri.
«Qazaqstannyń BUU Qaýipsizdik Keńesiniń 2017-2018 jyldarǵa turaqty emes múshesi bolyp saılanýy elge degen qurmet pen halyqaralyq bedeliniń moıyndalýynyń taǵy bir dáleli, sonymen qatar Qazaqstannyń álemdik isterde belsendi ról atqaratynyn moıyndaǵanynyń aıǵaǵy. Táýelsizdik jyldary Qazaqstan Prezıdenti Nursultan Nazarbaev halyqaralyq ómirdiń barlyq salasyn qamtıtyn, álem men adamzat taǵdyryna memlekettiń tereń alańdaýshylyǵyn kórsetetin, strategııalyq mańyzy bar birqatar ishki saıası bastamalardy kóterdi. Azııadaǵy qaýipsizdik máseleler jıyntyǵyna Prezıdent Nazarbaevtyń jańashyl kózqarasy Azııadaǵy ózara yqpaldastyq jáne senim sharalary jónindegi keńeste is júzinde júzege asty; ıAdrolyq qarýdy taratpaý máselelerine prıntsıpti jáne syndarly kózqarasynyń arqasynda 2015 jyly 7 jeltoqsanda BUU Bas Assambleıasy ıadrolyq qarýdan azat álem qurý týraly jalpyǵa ortaq deklaratsııa qabyldady; Qazaqstan Prezıdentiniń bastamasymen shaqyrylǵan Álemdik jáne dástúrli dinder kóshbasshylarynyń sezi bul saladaǵy halyqaralyq yntymaqtastyqtyń keleshegine jol ashty. Qazaqstannyń BUU Qaýipsizdik Keńesine saılanýy Qazaqstannyń ShYU tóraǵalyǵyna tuspa-tus kelýinde úlken mán bar. Qazaqstannyń saılanýy jáne Reseı men Qytaı BUU Qaýipsizdik Keńesiniń turaqty múshesi bolýy aımaqtyq ózekti máselelerdi sheshýde ShYU men BUU burynǵydan da tıimdirek birlesip áreket etýine múmkindik beredi», - dep atap ótti ShYU bas hatshysy Rashıd Alımov.

Qazaqstannyń BUU-nyń Qaýipsizdik Keńesiniń quramyna turaqty emes múshe bolýy - tarıhı jeńis. Elimizdiń, Elbasynyń jeńisi. Bizdiń elimiz - Ortalyq Azııadaǵy BUU Qaýipsizdik keńesiniń quramyna saılanǵan tuńǵysh memleket. Bul jeńiske jetý jolynda qazaq eli kóp eńbektendi. Qarýsyzdaný saıasatynyń etalony bolǵan Qazaqstan men onyń basshysynyń Semeı ıadrolyq polıgonyn jabýy, ıadrolyq qarýdan óz erkimen bas tartýy halyqaralyq qoǵamdastyqta qoldaýǵa ıe boldy. Qazaqstannyń Azııadaǵy ózara is-qımyl jəne senim sharalary jónindegi keńesti shaqyrý týraly bastamasy, EQYU-ǵa tóraǵalyq etýi, Ortalyq Azııada ıadrolyq qarýdan azat aımaq qurý, qaýipsiz jańa əlem men ədilettilikke negizdelgen G-Global bastamasy Qazaqstandy əlemde saıası senim qalyptastyrýshy kóshbasshy retinde tanytty. Halyqaralyq qoǵamdastyqty ıadrosyz əlem qurýǵa, kez kelgen soǵys túrin boldyrmaı, onyń aldyn alýǵa shaqyrǵan QR Prezıdentiniń «Əlem. HHІ ǵasyr» manıfesi BUU-nyń resmı qujatyna aınaldy. Qazaqstannyń BUU Qaýipsizdik keńesine múshe bolýy - elimizdiń halyqaralyq joǵarǵy bedeliniń aıshyqty aıǵaǵy», - dedi Qazaqstan halqy Assambleıasy Tóraǵasynyń orynbasary Eraly Toǵjanov.