BUU: Kaspıı mańyndaǵy bes memlekettiń teńizdiń ekologııalyq jaǵdaıyn qorǵaý jóninde kelisimge kelgeni óte mańyzdy qadam
ASTANA. 14 jeltoqsan. QazAqparat - Birikken Ulttar Uıymy Kaspıı teńizi mańynda ornalasqan bes memlekettiń teńizdiń ekologııalyq jaǵdaıyn qorǵaý jóninde kelisimge kelgenin "óte mańyzdy qadam" dep baǵalady.
BUU-nyń Qorshaǵan ortany qorǵaý baǵdarlamasy departamentiniń habarlaýynsha, "Ázirbaıjan, Iran, Reseı, Qazaqstan jáne Túrkimenstan Tegeran konventsııasy dep atalatyn Kaspıı teńizi basseıniniń ekologııasyn qorǵaý jónindegi hattamaǵa qol qoıǵan". Qujatta "teńiz ekologııasyna negizgi qaýip aýyl sharýashylyǵy men shıkizat óndirý salasynan tónetini" aıtylǵan.
Bes memleket mınıstrleri 10-12 jeltoqsanda Máskeýdegi kezdesýlerinde qosymsha hattamalarǵa qol qoıǵan bolatyn, dep habarlaıdy «Azattyq».
